सलमान खानचा पहिलाच चित्रपट ठरला होता सुपरहिट, ही आहे त्याची इंटरेस्टिंग स्टोरी

सलमान खानचा हा चित्रपट केवळ भारतातच नाही तर परदेशातही सुपरहिट ठरला होता.   

बॉलिवूडचा दबंग खान सलमानने 1989 साली मैने प्यार किया चित्रपटातून बॉलिवूडमध्ये पदार्पण केले. या चित्रपटातून त्याने रसिकांची मने जिंकली होती. सलमानसोबत अभिनेत्री भाग्यश्रीने देखील बॉलिवूडमध्ये एन्ट्री केली होती आणि हा चित्रपट सुपरहिट ठरला होता. त्या वर्षातील सर्वाधीक कमाई या चित्रपटाने केली होती.  सलमान खानचा पहिला चित्रपट केवळ भारतातच नाही तर भारताबाहेरदेखील गाजला होता. सलमान खान ने स्वतः आपल्या सोशल मीडियावरुन ही माहिती दिली. 

सलमान खानने सोशल मीडियावर आपल्या डेब्यू फिल्मची झलक शेअर करत लिहिले की, जर मैनें प्यार किया आता रिलीज झाला. happy Easter be focused n Stay strong.  

मैने प्यार किया चित्रपटामागची महत्त्वपूर्ण गोष्ट अशी की, हा चित्रपट इंग्रजी भाषेत डब करण्यात आला होता ज्याचे नाव होते 'वेन लव कॉल्स' आणि परदेशात देखील हा चित्रपट तुफान गाजला होता. इतकेच नव्हे, तर त्या वर्षी हा चित्रपट कैरिबियामध्येसुद्धा गाजला असून गुयाना, त्रिनिदाद आणि टोबैगोमध्ये देखील बॉक्स-ऑफिसवर या चित्रपटाचा दबदबा पहायला मिळाला होता.

इतर भाषांमध्ये यशस्वी होण्याच्या प्रथेला कायम ठेवत या चित्रपटाने स्पेनिशमध्ये 'ते अमो' नावाने लीमा, पेरू मधील चित्रपटगृहांमध्ये तब्बल १० आठवडे चालला होता.

तेलुगुमध्ये, याचे नाव 'प्रेमा पावुरालु' होते आणि या बरोबरच, त्याला देशभरातील अन्य भाषांमध्ये देखील डब करण्यात आले होते, अशी माहिती खुद्द सलमान खानने सोशल मीडियावर दिली आहे.