सलमान खानचा गर्लफ्रेंडसोबतचा ‘हा’ फोटो होतोय व्हायरल!!

ब�

��लिवूड सुपरस्टार सलमान खान पुन्हा एकदा चर्चेत आला आहे. मात्र यावेळेस तो त्याच्या कोर्टकचेरीमुळे नव्हे तर वेगळ्याच कारणाने चर्चेत आला आहे. होय, त्याची कथित गर्लफ्रेंड यूलिया वंतूर हिच्यासोबतचा सलमानचा एक फोटो सध्या सर्वत्र व्हायरल होत आहे. फोटोमध्ये सलमान खान यूलिया आणि एली अवरामसोबत दिसत आहे. बी-टॉउनमध्ये अजूनही चर्चा आहे की, सलमान रशियन मॉडेल यूलिया वंतूरला डेट करीत आहे. त्यातच हा फोटो व्हायरल झाल्याने त्यांच्या रिलेशनशिपची चर्चा पुन्हा एकदा रंगू लागली आहे. 

१९९८ मधील काळवीट शिकार प्रकरणी न्यायालयाने पाच वर्षांची शिक्षा सुनावल्यानंतर ४८ तासांतच सलमान जामिनावर बाहेर आला होता. त्यावेळेस त्याच्याशी संबंधित अनेक चर्चाही रंगल्या होत्या. दरम्यान, कारागृहाबाहेर आल्यानंतर सलमान पुन्हा एकदा त्याच्या प्रोजेक्ट्समध्ये व्यस्त झाला आहे. सलमानने नुकतेच त्याच्या ‘रेस-३’ची शूटिंग पूर्ण केली. सध्या तो ‘भारत’ या चित्रपटाची शूटिंग करीत आहे. अली अब्बास जफर दिग्दर्शित ‘भारत’मध्ये सलमान अतिशय हटके भूमिकेत झळकणार आहे. दरम्यान, फोटोमध्ये सलमान आणि यूलियासोबत झळकत असलेली एली अवराम सध्या मुंबईत परतली आहे. बºयाच काळापासून ती स्वीडनमध्ये आपल्या परिवारासोबत होती. मुंबईत येताच तिने सर्वांत अगोदर सलमान खानची भेट घेतली. त्याचठिकाणी एली, सलमान आणि यूलियाने हा फोटो काढला असावा असे बोलले जात आहे. 


एलीने हा फोटो तिच्या आॅफिशियल इन्स्टाग्रामवर अपलोड केला. वास्तविक हा एक सेल्फी असून, सध्या तो सर्वत्र व्हायरल होत आहे. मात्र जेव्हा हा सेल्फी फोटो व्हायरल होत असल्याचे एलीच्या लक्षात आले तेव्हा तिने तो लगेचच तिच्या अकाउंटवरून डिलीट केला. तसेच सलमानसोबतचे तिचे काही विविध फोटोही अपलोड केले.