​सलमान खानच्या ‘ट्युबलाईट’ चे आणखी एक पोस्टर आले!

सलमान खानचा ‘ट्युबलाईट’ यंदाच्या सर्वाधिक मोठ्या चित्रपटांपैकी एक आहे. ईदच्या मुहूर्तावर रिलीज होणा-या या चित्रपटाच्या टीजरची आपल्या सगळ्यांनाच प्रतीक्षा आहे. आजपासून तीन दिवसानंतर या चित्रपटाचा टीजर रिलीज होणार आहे. पण त्यापूर्वी आज या चित्रपटाचे आणखी एक नवे पोस्टर रिलीज करण्यात आले आहे. चित्रपटाबद्दलची लोकांची उत्सुकता वाढवण्याचा हा फंडा आहे, हे तुम्हाला सांगणे नकोच. कालच सलमानने ‘ट्युबलाईट’चे एक पोस्टर जारी केले होते. त्यानंतर आज दुसºयाच दिवशी सलमानने ‘ट्युबलाईट’चे आणखी एक नवे पोस्टर शेअर केले. आपल्या टिष्ट्वटर अकाऊंटवर सलमानने हे पोस्टर शेअर केले आहे. हे पोस्टर पाहिल्यानंतर तुम्ही भावूक झाल्याशिवाय राहणार नाही. यात सलमान एका लहान मुलासोबत दिसतो आहे. ‘दिस लिटिल किड इज माय मॅन,’ असे कॅप्शन सलमानने या पोस्टरला दिले आहे. पोस्टरमध्ये दिसणा-या या चिमुकल्याचे नाव माटिन रे आहे. माटिनशिवाय या पोस्टरमध्ये काही जवान पहाड चढताना दिसत आहेत. ALSO READ :  सलमान खान त्याच्या कथित गर्लफ्रेण्डसोबत झाला स्पॉट!!कबीर खान दिग्दर्शित या चित्रपटात सलमान एका आगळ्या-वेगळ्या रूपात दिसणार आहे. चित्रपटाची कथा १९६२ च्या भारत-चीन युद्धाभोवती फिरणारी आहे. सलमानसोबत या चित्रपटात त्याचा भाऊ सोहेल खानही एका महत्त्वपूर्ण भूमिकेत दिसणार आहे. सलमान खान व सोहेल खान या दोन रिअल लाईफ ब्रदर्सची जोडी यापूवीर्ही मोठ्या पडद्यावर दिसली आहे. ‘मैंने प्यार क्यों किया’, ‘ मिस्टर अ‍ॅण्ड मिसेज खन्ना’ आणि ‘वीर’मध्ये सलमान व सोहेलने एकत्र काम केलेय.याशिवाय चीनी अभिनेत्री झू झू ही सुद्धा सलमानसोबत स्क्रीन शेअर करणार आहे. निश्चितपणे सलमानचे चाहते, या चित्रपटाची आतुरतेने प्रतीक्षा करत आहेत. चित्रपटापेक्षा तीन दिवसानंतर येणाºया या चित्रपटाच्या टीजरची लोकांना अधिक प्रतीक्षा आहे.