बॉलिवूडचा दबंग खान सलमानचा बहुचर्चित आगामी चित्रपट 'भारत'ची प्रेक्षक उत्सुकतेने वाट पाहत आहेत. या सिनेमात सलमान खानसोबत अभिनेत्री कतरिना कैफ मुख्य भूमिकेत दिसणार आहे. नुकतेच या चित्रपटाचे माल्टा येथील शुटिंग पूर्ण झाले आहे. आता या चित्रपटाचे पुढचे शुटिंग करण्यासाठी एक खास ठिकाण निवडण्यात आले आहे.
'भारत' चित्रपटाचे दिग्दर्शक अली अब्बास जाफर हे ट्विटरवरुन 'भारत' चित्रपटाचे अपडेट्स चाहत्यांना देत असतात. त्यांनीच आता या चित्रपटाचे पुढचे ठिकाण कोणते असणार, याची माहिती दिली आहे. 'माल्टा' या सुंदर ठिकाणी या चित्रपटाचा बराचसा भाग शुट करण्यात आला, आता 'अबू धाबी' येथे या चित्रपटाचे पुढील शुटिंग करण्यात येणार आहे. 'अबू धाबी'तील काही ठिकाणांचे फोटो अली अब्बास जाफरने त्यांच्या ट्विटरवर शेअर केले आहेत.