सलमान खानचा भाऊ सोहेल खानबरोबर बॉलिवूडमध्ये डेब्यू करणारी अभिनेत्री समीरा रेड्डी गेली अनेक वर्षे इंडस्ट्रीपासून दूर होती. समीराचा जन्म 14 डिसेंबर 1978 रोजी झाला होता. समीरा आज तिचा 42 वा वाढदिवस साजरा करते आहे. समीरा जेव्हा बॉलिवूडमध्ये आली तेव्हा सर्वांनी तिचा अभिनय पाहून सांगितले की ती खूप पुढे जाईल. आपल्या पहिल्याच म्युझिक व्हिडिओमुळे तिने रसिकांच्या मनात एक वेगळंच स्थान निर्माण केलं आहे. समीराच्या वाढदिवशी जाणून घेऊया तिच्या आयुष्याशी संबंधित काही खास गोष्टी...
समीरा बॉलिवूडच्या अनेक सिनेमांमध्ये दिसली. 'डरना मना है', 'मुसाफिर,'नो एंट्री','प्लान',' टॅक्सी नंबर 9 2 11 'आणि' दे दना दन ' या सिनेमांमध्ये ती झळकली. २०१२ मध्ये रिलीज झालेल्या प्रकाश झाच्या 'चक्रव्यूह'मध्ये ती शेवटीची दिसली होती.
समीराने सांगितले होते की, मुलाच्या जन्मानंतर ती डिप्रेशनमध्ये गेली होती. प्रेग्नेंन्सीनंतर समीराला प्लेसेंटा प्रिव्हिया झाला, ज्यामुळे ती सुमारे 4 ते 5 महिने तिला बेडरेस्ट होता. तिचे वजन वाढले होते ज्यामुळे ती मानसिक तणावाखाली गेली. 2019 मध्ये तिने मुलीला जन्म दिला आहे. सोशल मीडियावर समीरा अनेकदा आपला आई होण्याचा अनुभव शेअर करते. सिनेमांपासून दूर असलेली समीरा सध्या आपल्या मुलांच्या संगोपनामध्ये व्यस्त आहे. सोशल मीडियाच्या माध्यमातून ती आपल्या चाहत्यांशी संपर्कात असते.