Samrat Prithviraj, Vikram box office collection Day 2: बॉलिवूडचा ‘खिलाडी’ अक्षय कुमार (Akshay Kumar) व मानुषी छिल्लर (Manushi Chhillar) यांचा ‘सम्राट पृथ्वीराज’ (Samrat Prithviraj) हा बिग बजेट सिनेमा गेल्या शुक्रवारी रिलीज झाला. 300 कोटींचा हा सिनेमा बॉक्स ऑफिसवर किती कमाई करतो, याकडे सर्वांच्या नजरा लागून होत्या. तर ‘सम्राट पृथ्वीराज’च्या दोन दिवसांच्या कमाईचे आकडे समोर आले आहेत. हे आकडे अक्षयच्या चाहत्यांची काहीशी निराशा करू शकतात.
होय,साऊथ मेगास्टार कमल हासन (Kamal Haasan) यांच्या ‘विक्रम’ (Vikram) या सिनेमानं ‘सम्राट पृथ्वीराज’ला जोरदार टक्कर दिली आहे. ‘विक्रम’ने कमाईच्या बाबतीत पहिल्याच दिवशी अर्ध शतक ठोकत 50 कोटींची कमाई केली आणि दोन दिवसांत वर्ल्डवाईड 100 कोटींचा पल्ला गाठला. याऊलट अक्षयच्या ‘सम्राट पृथ्वीराज’ने दोन दिवसांत 23.30 कोटींचा गल्ला जमवला.
रिलीजच्या पहिल्या दिवशी ‘सम्राट पृथ्वीराज’ने 10.70 कोटींची कमाई केली. दुसऱ्या दिवशी 12.60 कोटींचा बिझनेस केला. कमाईचा हा आकडा समाधानकारक वाटत असला तरी चित्रपटावर 300 कोटी खर्च झाले आहेत. या तुलनेत ही कमाई फार काही समाधानकारक नाही. 300 करोडी चित्रपटाला त्याच हिशेबाने कमाई करावी लागणार आहे.
‘विक्रम’चा दे धक्काकमल हासनच्या ‘विक्रम’ने साऊथमध्ये धुमाकूळ घातला आहे. जगभरात या चित्रपटाने 100 कोटींची कमाई केली आहे. कमल हासनच्या ‘विक्रम’पुढेअक्षयच्या ‘सम्राट पृथ्वीराज’ची जादू फिकी पडताना दिसत आहे.
मेजरने कमावले इतके कोटी26/11च्या मुंबई हल्ल्यात शहिद झालेले मेजर संदीप उन्नीकृष्णन यांच्या आयुष्यावर बेतलेला ‘मेजर’चं कौतुक होतंय. पण कमाईच्या बाबतीत हा चित्रपट फार काही कमाल दाखवू श्कला नाही. ‘मेजर’च्या हिंदी व्हर्जनने पहिल्या दिवशी 70 लाखांची कमाई केली. सर्व भाषेत या चित्रपटाने पहिल्या दिवशी 7 कोटी कमावले. दुसऱ्या दिवशी 5.50 कोटींचा बिझनेस केला. म्हणजेच दोन दिवसांत या चित्रपटाने एकूण 12.50 कोटींचा गल्ला जमवला.