टायगर श्रॉफ आपल्या स्टंटस आणि डान्सच्या जोरावर प्रेक्षकांच्या मनात आपली वेगळी जागा निर्माण केली आहे. टायगरकडे सध्या सिनेमांची लाईन लागलेली आहे, त्यातच आता कळतेय की टायगर संजय लीला भंन्साळी यांच्या सिनेमात दिसू शकतो. त्याचे झाले असे की, टायगर भंन्साळी यांच्या जुहू ऑफिसच्या बाहेर दिसला. याआधी टायगरचे वडील जॅकी श्रॉफ 2002 मध्ये आलेल्या संजय लीला भंन्साळी यांच्या 'देवदास' सिनेमात दिसले होते.
टायगर सध्या त्याचा आगामी सिनेमा 'स्टुडंट ऑफ द इअर 2'च्या तयारीत बिझी आहे. यासिनेमातून त्यांच्यासोबत चंकी पांडेची लेक अनन्या पांडे बॉलिवूडमध्ये डेब्यू करणार आहे. तसेच आणखीन एक अभिनेत्री तारा सुतारियादेखील 'स्टुडंट ऑफ द इअर 2'मधून बॉलिवूडमध्ये पदार्पण करते. यात सिद्धार्थ मल्होत्रा आणि वरुण धवनचा देखील कॅमियो आहे. पुनीत मल्होत्रा या सिनेमाचे दिग्दर्शन करतोय. टायगरचे चाहते त्याचा आगामी चित्रपट स्टुडंट ऑफ द इअर 2ची आतुरतेने वाट पाहत आहेत.
काही दिवसांपूर्वी टायगर मुंबईत घराच्या शोधात असल्याची बातमी मिळाली होती. घरात त्याला ८ बेडरुम्स हवे होते. पण आता हा शोध थांबला आहे आणि टायगरला त्याच्या स्वप्नातील घर मिळाले आहे. २०१९ च्या शेवटापर्यंत टायगर नवीन घरात राहायला जाणार आहे. सूत्रांनी दिलेल्या माहितीनुसार, मुंबईतील खार येथे टायगरने ८ बेडरुम्सचे घर खरेदी केले आहे. अभिनेता टायगर श्रॉफच्या बागी 2 चित्रपटाने बॉक्स ऑफिसवर चांगली कमाई केली. या चित्रपटातील टायगर व दिशा पटानी यांची केमिस्ट्री प्रेक्षकांना खूप भावली. या सिनेमाने अनेक रेकॉर्ड तोडले.