​ सारा अली खानच्या ‘डेब्यू’च्या मार्गात पुन्हा नवे विघ्न! थांबले ‘केदारनाथ’चे शूटींग!!

सैफ अली खानची मुलगी सारा अली खान हिचा बॉलिवूड डेब्यू अडचणीत आलाय. खरे तर, आपल्या बॉलिवूड डेब्यूबद्दल सारा कमालीची उत्सूक होती. पण, आता तिच्या या उत्साहावर पाणी पाणी फेरणारी बातमी आहे. होय, साराचा पहिला वहिला ‘केदारनाथ’ या चित्रपटाचे शूटींग थांबवण्यात आल्याची खबर आहे. चर्चा खरी मानाल तर याचे कारण अन्य कुठलेही नसून दिग्दर्शक अभिषेक कपूर आहे. ‘केदारनाथ’चे निर्माते आणि अभिषेक कपूर यांच्यात गेल्या अनेक दिवसांपासून वाद सुरू आहे. हा वाद आता विकोपाला पोहोचल्याचे कळतेय. या वादामुळेचं ‘केदारनाथ’चे शूटींग रोखण्यात आले आहे. या वादाची सुरूवात ‘केदारनाथ’च्या रिलीज डेटपासून झाली होती.   ‘केदारनाथ’  २१ डिसेंबरला रिलीज होणार, असे अभिषेक यांनी सोशल मीडियावर जाहिर करून टाकले होते. नेमक्या इथूनच वादाची ठिणगी पडली होती. सूत्रांचे मानाल तर निर्मात्यांना ही गोष्ट चांगलीच खटकली होती. चित्रपटाशी संबंधित सर्व निर्णयात पारदर्शकता असावी, असे निर्मात्यांचे मत होते. आता तर सर्व गोष्टी लेखी मिळत नाहीत, यावर निर्माते अडून बसले आहेत आणि हा वाद निवळत नाही तोपर्यंत ‘केदारनाथ’चे शूटींग होणार नाही,असे निर्मात्यांनी स्पष्ट केले आहे.तसे तर सुरुवातीपासूनच या चित्रपटाच्या मार्गात एक ना अनेक अडचणी येत आहेत. आधी हवामानामुळे या चित्रपटाचे शूटींग रखडले होते. नंतर या चित्रपटातील लीड हिरो सुशांत सिंग राजपूत याच्या   मूड स्विंगमुळे चित्रपटाचे शूटींग लांबल्याची चर्चा झाली होती. यापश्चात ‘केदारनाथ’मधील महाप्रलयाचा सीन मुंबईत रिक्रिएट करण्याचा निर्णय झाल्याने शूटींग लांबले होते.  आता  निर्माता आणि दिग्दर्शकामधील वादामुळे हा सिनेमा रखडला आहे. सारासाठी यापेक्षा धक्कादायक बाब कुठली बरी असू शकते?ALSO READ : ​बॉलिवूड डेब्यूपूर्वीच सैफची लेक सारा अली खान दाखवू लागली तोरा! सात चित्रपटांना दिला नकार!!‘केदारनाथ’मध्ये सारा अली खान  सुशांत सिंग राजपूतसोबत आॅनस्क्रीन रोमान्स करताना दिसणार आहे.‘केदारनाथ’ हा चित्रपट २०१३ मध्ये  केदारनाथमध्ये आलेल्या प्रलयाच्या पार्श्वभूमीवर आधारित आहे. चित्रपटात सारा एका साध्या सरळ मुलीच्या भूमिकेत दिसणार आहे. तर सुशांत सिंग राजपूत पिठ्ठूची भूमिका साकारणार आहे. हा दोघांची लव्हस्टोरी या चित्रपटात बघायला मिळणार आहे. सारा एका श्रीमंंत घरातील मुलगी असते आणि पिठ्ठू तिच्या प्रेमात पडतो, असे याचे कथानक आहे.