करण जोहरचा ‘ऐ दिल है मुश्किल’ आणि अजय देवगणचा ‘शिवाय’ लवकरच बॉक्सआॅफिसवर आमने-सामने असणार आहेत. त्यातच करणने ‘ऐ दिल...’चे जोरदार प्रमोशन चालवले आहे. कदाचित त्याचमुळे अजयने ‘शिवाय’चे सेकंड ट्रेलर रिलीज केले. आज सोमवारी अजयने आपल्या twitter र अकाऊंटवरून ‘शिवाय’चे सेकंड ट्रेलर जारी केले. हे ट्रेलर जारी होताच अगदी काही तासांत हजारो लोकांनी ते पाहिले. यातील अजयचे अ‍ॅक्शन अवतार थक्क करणारे आहेत. यातील प्रत्येक सीन एक वेगळी कहानी सांगणारा आहे. ‘शिवाय’च्या पहिल्या ट्रेलरला प्रेक्षकांनी मोठी दाद मिळाली होती. यातील अ‍ॅक्शन सीन्स, सुंदर बर्फाच्छादित लोकेशन्सने प्रेक्षकांची मने जिंकली होती. आज जारी झालेले ‘शिवाय’चे दुसरे ट्रेलरही थक्क करणारे आहे.
मी तेच ते अ‍ॅक्शन सीन्स करायला कंटाळलो होतो. म्हणून मी ‘शिवाय’मध्ये काही वेगळे केले आहे, असे अजयने अलीकडे एका मुलाखतीत सांगितले होते. ‘शिवाय’चे दुसरे ट्रेलर पाहता, अजयचे हे वाक्य अगदी मनापासून पटते. ट्रेलरमधील प्रत्येक अ‍ॅक्शन सीन्स हटके आहे. या ट्रेलरमध्ये सायेशा आणि एरिका कार या दोन्ही अभिनेत्रींना सारखे महत्त्व दिलेले आहे. पहिल्या ट्रेलरमध्ये पूर्णपणे अजयवर फोकस करण्यात आला होता. दुसºया ट्रेलरमध्ये मात्र दोघींनाही न्याय देण्यात आलाय. ‘शिवाय’चा पहिला ट्रेलर आत्तापर्यंत २.३ कोटी लोकांनी पाहिला आहे. आता दुसरा ट्रेलरला प्रेक्षकांची किती पसंती मिळते, ते बघूच!!
Another side to Shivaay, check out the second trailer and tell me what you think?? https://t.co/43FVLdtd4j— Ajay Devgn (@ajaydevgn) October 24, 2016