SEE PIC : अक्षयकुमारने फॅमिलीसोबत बघितला अ‍ॅनिमेटेड चित्रपट!!

बॉलिवूडचा खिलाडी अक्षयकुमार हा एक फॅमिली मॅन असल्याचे त्याने वेळोवेळी दाखवून दिले आहे. सध्या अक्षय त्याच्या फॅमिलीसोबत क्वॉलिटी टाइम स्पेंड करीत असून, रविवारचे निमित्त साधून तो फॅमिलीसह मुव्ही डेटवर गेला होता. जेव्हा तो आणि पत्नी ट्ंिवकल मुलांसोबत थिएटर्सच्या बाहेर येत होते, तेव्हा मीडियाच्या कॅमेºयांमध्ये त्यांना क्लिक करण्यात आले. अक्षय मुलगी नितारा, पत्नी ट्ंिवकल आणि मुलगा आरव यांच्याबरोबर स्पॉट झाला. अक्षयने मुलीला कडेवर घेतलेले होते. अक्षय आजही मुलांना मीडियापासून दूर ठेवतो. त्यामुळे त्याच्या मुलीचा फोटो कॅमेºयात क्लिक होऊ शकला नाही. तर मुलगा आरवदेखील कॅमेºयांपासून दूर पळताना दिसला. परिवारातील चौघांनी सारख्याच रंगाचे कपडे घातलेले होते. त्यामुळे ‘पिक्चर परफेक्ट फॅमिली’ असावा असे म्हटले तर वावगे ठरू नये. वास्तविक अक्षय एक अ‍ॅनिमेटेड चित्रपट बघण्यासाठी गेला होता. अक्षयच्या फॅमिलीबरोबर प्रसिद्ध फोटोग्राफर डब्बू रत्नानी याचीही फॅमिली होती. अक्षयकुमार सध्या त्याच्या ‘पॅडमॅन’ या चित्रपटाच्या शूटिंगमध्ये व्यस्त आहे. काही दिवसांपूर्वीच तो अभिनेत्री सोनम कपूर हिच्याबरोबर इंदूर येथे शूटिंग करीत होता. या चित्रपटाच्या कथा काल्पनिक नसून, एका व्यक्तीवर आधारित असल्याने अक्षय या चित्रपटापासून खूपच प्रेरित झाला आहे. कारण या चित्रपटाची कथा अशा व्यक्तीवर आधारित आहे, जो ग्रामीण भागात जाऊन महिलांना ‘पॅड’चे महत्त्व पटवून सांगतो. ए. मुरुगनाथम असे या व्यक्तीचे नाव असून, अक्षय याच व्यक्तीची भूमिका साकारत आहे. जो गावोगावी जाऊन सॅनेटरी नॅपकिन्सविषयी महिलांना माहिती देत असतो. याव्यतिरिक्त अक्षय त्याच्या ‘रोबोट-२’च्या शूटिंगमध्येही व्यस्त आहे. हा चित्रपट या दिवाळीला रिलीज होणार होता; मात्र इतर चित्रपटांशी क्लॅश होणार असल्याने आता हा चित्रपट २५ जानेवारी २०१८ रोजी रिलीज होणार आहे. त्याचबरोबर अक्षय ‘टॉयलेट एक कथा’ या चित्रपटाच्या शूटिंगमध्येही व्यस्त आहे. हा चित्रपट शाहरूख खान याच्या ‘रौला’ या चित्रपटाशी क्लॅश होणार आहे. दरम्यान, अक्षय सध्या मुंबईमध्ये असून, परिवारासोबत टाइम स्पेंड करीत आहे.