SEE PICS : ‘कान्स’मधून मस्तानी दीपिका पादुकोण परतली!

य�

��त काहीच शंका नाही की, ‘कान्स फिल्म फेस्टिव्हल’मध्ये अभिनेत्री दीपिका पादुकोण हिच्या जलव्यांमध्ये काहीच कमी राहिली नाही. दीपिकाचा कान्समध्ये शुक्रवार हा अखेरचा दिवस होता. तिने कान्सच्या रेड कार्पेटवर आपल्या सौंदर्याने सगळ्यांनाच घायाळ केले. जेव्हा दीपिका रेड कार्पेटवर अवतरली तेव्हा तिच्या लुक्सवरून माध्यमांमध्ये एकच चर्चा रंगली होती. वेगवेगळ्या लुकमध्ये दीपिकाचा अंदाज बघण्यासारखा होता. गुरुवारी तिला दोनदा वेगवेगळ्या लुकमध्ये बघण्यात आले होते, दोन्ही लुकमध्ये दीपिकाचे सौंदर्य कमालीचे होते. 



ज्यांनी दीपिकाचा कान्समधील अंदाज बघितला तो तिला बघतच राहिला असे म्हटल्यास वावगे ठरू नये. दरम्यान, दीपिका आता कान्समधून परतली असून, तिला नुकतेच मुंबई एयरपोर्टवर स्पॉट करण्यात आले आहे. मुंबईत परतलेली दीपिका खूपच स्टायलिस्ट दिसत होती. व्हाइट टी-शर्ट, ब्लॅक जीन्स, साइनी जॅकेटवर ब्लॅक बूट्समध्ये दीपिका खूपच सुंदर दिसत होती. मीडियाचे कॅमेरे बघताच तिच्या चेहºयावर हास्य फुलले होते. 



कान्स फिल्म फेस्टिव्हल व्यतिरिक्त दीपिका काही दिवसांपूर्वी न्यू यॉर्क येथे झालेल्या ‘मेट गाला’मध्ये सहभागी झाली होती. यावेळी दीपिकाने घातलेल्या पांढºया रंगाच्या सॅटिन ड्रेसला तिच्या चाहत्यांकडून चांगल्या आणि वाईट प्रतिक्रिया मिळाल्या होत्या. मात्र काहीही असो, दीपिका या लुकमध्येही खूपच सुंदर दिसत होती. यावेळी दीपिकाने असेही म्हटले होते की, प्रत्येकवेळी टीका करणे चुकीचे आहे. कधी-कधी एक्सपेरिमेंट करण्याची संधी द्यायला हवी. फॅशन एक आर्ट असून, त्याकडे प्रत्येकाने प्रयोगशीलदृष्टीने बघायला हवे’ असे रोखठोक उत्तर त्यावेळी दीपिकाने दिले होते.



असो आता दीपिका मुंबईत परतली असून, पुन्हा एकदा संजय लीला भंसाली यांच्या ‘पद्मावती’ या चित्रपटाच्या शूटिंगला सुरुवात करणार आहे. या चित्रपटात दीपिका ‘राणी पद्मावती’ची दमदार भूमिका साकारताना बघावयास मिळणार आहे. तिच्यासोबत रणवीर सिंग आणि शाहिद कपूर यांच्याही प्रमुख भूमिका आहेत. हा चित्रपट रिलीज होण्याअगोदरच वादाच्या भोवºयात सापडला आहे.