SEE PICS : ​सागरिका घाटगे आणि जहीर खान यांनी रिसेप्शनपूर्वी अशी एन्जॉय केली पार्टी!

शाहरूख खान स्टारर ‘चक दे इंडिया’ या चित्रपटामुळे चर्चेत आलेली अभिनेत्री सागरिका घाटगे आणि  क्रिकेटपटू जहीर खान यांचे लग्न गत २३ नोव्हेंबरलाच झाले. गत गुरुवारी या जोडीने कोर्ट मॅरेज केले आणि त्याच रात्री काही जवळच्या मित्र व नातेवाईकांसह पार्टी एन्जॉय केली. उद्या २७ नोव्हेंबरला मुंबईतील एका पंचतारांकित हॉटेलात सागरिका व जहीर यांचे ग्रँण्ड रिसेप्शन होणार आहे. पण त्यापूर्वी शनिवारी रात्री या सागरिका व जहीर या दोघांनी आणखी एक धम्माल पार्टी केली.या पार्टीचे फोटो सागरिकाने तिच्या इन्स्टाग्राम अकाऊंटवर शेअर केले आहेत.या फोटोंमध्ये ती पती जहीरसोबत दिसतेय. पार्टीत सागरिकाने फॅशन डिझाईनर फाल्गुनी अ‍ॅण्ड पिकॉकचा ग्रे रंगाचा लंहगा घातला होता. या ग्रे कलरच्या लंहग्यावर सोनेरी रंगात कलाकुसर केली गेली होती. अतिशय कमी मेकअप आणि साधी ज्वेलरी असूनही सागरिका या पार्टीत अतिशय सुंदर दिसत होती.ALSO READ : या कारणामुळे जहीर खान बनला आहे सागरिका घाटगेच्या आईचा लाडकाअभिनेता आशीष चौधरी यानेही या पार्टीचे काही इनसाईड फोटो सोशल मीडियावर शेअर केले आहेत. यात तो पत्नी समीता, जहीर-सागरिका, युवराज सिंह व त्याची पत्नी हेजल किचसोबत दिसतोय. आशीषने यापूर्वी जहिर व सागरिकाच्या लग्नाचा फोटोही शेअर केला होता.सागरिका आणि जहीरची ओळख त्याच्या एका कॉमन फ्रेंडने करुन दिली होती. दोघे एकमेकांना जवळपास एक दीड वर्ष डेट करत होते. मात्र याची भनकही कोणाला लागली नव्हती. त्यानंतर काही सार्वजनिक ठिकाणी या दोघांना एकत्र पाहण्यात आले आणि  यांच्या नात्याबाबत चर्चा सुरु झाली होती. युवराज आणि हेजलच्या लग्न समारंभात जहीर आणि सागरिका एकत्र आले होते. यानंतर त्यांच्या नात्याबाबतच्या चर्चेला उधाण आले होते. अखेर या चर्चांचा जहीरने पूर्णविराम देत तो सागरिकासोबत एंगेज असल्याचे जाहिर केले होते. आता या सुंदर जोडप्याला भावी आयुष्याच्या शुभेच्छा देऊ यात आणि या जोडप्याच्या आनंदात सहभागी झालेल्या सेलिब्रिटींचे काही फोटो पाहुयात!