बॉलिवूड अभिनेता मनोज वाजपेयीच्या द फॅमिली मॅन या वेबसीरिजला प्रेक्षकांचा खूप चांगला प्रतिसाद मिळाला. या सीरिजच्या दुसऱ्या सीझनची प्रेक्षक उत्सुकतेने वाट पाहत आहेत. नुकतेच आता या वेबसीरिजला एक वर्षे पूर्ण झाले आहेत. या निमित्ताने द फॅमिली मॅनच्या निर्मात्यांनी दुसऱ्या सीझनची दमदार अंदाजात घोषणा केली आहे. इंटरेस्टिंग बाब म्हणजे दुसऱ्या सीझनमध्ये अभिनेत्री समांथा अक्किनेनीदेखील मुख्य भूमिकेत दिसणार आहे. या चित्रपटाच्या निमित्ताने ती डिजिटल माध्यमात पदार्पण करणार आहे.
द फॅमिली मॅन या सीरिजला एक वर्ष पूर्ण झाल्याच्या निमित्ताने निर्मात्यानी व्हिडिओ शेअर करत दुसऱ्या सीझनची घोषणा केली आहे.