शाहरुख खान,आमिर खान नाहीतर सलमान खान आहे माझा फेव्हरेट- नवाजुद्दीन सिद्दीकी

बॉलिवुडच्या खान बंधूंसोबत म्हणजेच शाहरुख, सलमान आणि आमिरसह काम करण्याचं अनेक कलाकारांचं स्वप्न असते. आजवर कित्येक कलाकार आले मात्र यापैकी एकातरी खान स्टारसह काम करण्याचं अनेकांचं स्वप्न पूर्ण होऊ शकले नाही.अशावेळी तिन्ही खानसोबत काम करण्याची गोष्ट न केलेलीच बरी. मात्र बॉलिवुडमध्ये असे काही मोजके स्टार आहेत ज्यांना बॉलिवुडच्या या तिन्ही खान बंधूंसोबत काम करण्याची संधी मिळाली. या नशिबवान कलाकारांपैकी एक कलाकार म्हणजे अभिनेता नवाजुद्दीन सिद्दीकी. बॉलिवुडच्या तिन्ही खान म्हणजे शाहरुख, सलमान आणि आमिरसह त्याने काम केले आहे. नवाजुद्दीनला शाहरुख आणि सलमानपैकी कुणासोबत जास्त मजा येते हे तुम्हाला माहिती आहे का? त्याला सलमानसोबत काम करणे आवडते. खुद्द नवाजुद्दीन सिद्दीकीने याचा खुलासा केला आहे. द कपिल शर्मा शोमध्ये खुद्द किंग खान शाहरुखसमोर त्याने आपल्या मनातील गोष्ट जगजाहीर केली आहे. एखाद्या समोर तेही बॉलिवुडच्या बादशाहसमोर त्याचा स्पर्धक असणा-या कलाकाराबाबत विधान करुन नवाजुद्दीन सिद्दीकीने सा-यांना आश्चर्याचा धक्का दिला. 'रईस' सिनेमाच्या प्रमोशनसाठी शाहरुखसह नवाजुद्दीन कपिलच्या शोमध्ये आले होते. त्यावेळी नवाजुद्दीन याने हा खुलासा केला आहे. या सिनेमात किंग खान शाहरुखवर नवाजुद्दीन सिद्दीकी भारी ठरल्याचे पाहायला मिळत आहे. कारण शाहरुखपेक्षाही मोठी भूमिका नवाजुद्दीनच्या वाट्याला आली आहे. याआधीसुद्धा नवाजुद्दीनने शाहरुख आणि सलमान खान यांची तुलना केली होती. त्यावेळीही सलमानसोबतच काम करायला जास्त मजा येते असे त्याने सांगितले होते. शिवाय शाहरुख हा एक उत्तम कलाकार असून त्याला थिएटरची पार्श्वभूमी आहे. त्यामुळे एखादा सीन परफेक्ट होईपर्यंत शाहरुख त्यावर काम करतो असं त्यानं म्हटलं होतं. तर दुसरीकडे एकदा का सलमाननं एखादा सीन केला की त्या सीनकडे तो पुन्हा बघत नाही असे त्याने सांगितले होते. आता कपिलच्या शोमध्ये येऊन शाहरुखसमोरच नवाजुद्दीनने सलमानची स्तुती केली आहे. त्यामुळे बॉलिवुडमध्ये कोणता खान सर्वश्रेष्ठ याच्या चर्चा तर होणारच, नाही का ?