Jawan Movie : बॉलिवूडचा बादशाह अशी ओळख असलेल्या शाहरुख खानच्या (Shah Rukh khan) पठाण (Pathaan) या चित्रपटाने बॉक्स ऑफिसवर छप्परफाड कमाई केली. पठाण नंतर किंगखानचा जवान (Jawan) हा सिनेमा येतोय. एटली कुमारने दिग्दर्शित केलेल्या शाहरूख व नयनतारा यांची मुख्य भूमिका असलेला जवान येत्या २ जूनला चित्रपटगृहांत धडकणार आहे. सध्या या सिनेमाचं अखेरच्या टप्प्यातलं शूटींग सुरू आहे. तूर्तास या सिनेमाच्या सेटवरचे शाहरूखचे काही फोटो सोशल मीडियावर तुफान व्हायरल होत आहेत. हे फोटो गाण्याच्या शूटींगचे आहेत. जवान चित्रपटाचं हे गाणं फराह खान कोरिओग्राफ करतेय.शाहरूखच्या एका फॅन क्लबने हे फोटो शेअर केले आहेत. शाहरूख यात व्हाईट टीशर्ट व त्यावर ब्ल्यू कलरच्या शर्टमध्ये दिसतोय. फराह देखील फोटोत आहे.
अलीकडे फराह खानने आपला एक फोटो सोशल मीडियावर शेअर केला होता. यात ती ब्ल्यू कलरच्या ओवरसाईज शर्ट व ब्ल्यू डेनिम पँटमध्ये दिसली होती. वांद्रे सी लिंकवरचा तिचा हा फोटोही जवानच्या सेटवरचा असल्याचं मानलं जात आहे. जवानच्या सेटवरचे हे फोटो लीक झाल्यानंतर चाहत्यांची उत्सुकता शिगेला पोहोचली आहे.
जवानबद्दल प्रचंड क्रेझ पाहायला मिळतेय. अद्याप हा सिनेमा रिलीज व्हायला बराच काळ आहे. पण आत्तापासूनच हॅशटॅग जवान ट्रेंड होतोय. चाहत्यांनी जवानचे पोस्टर सोशल मीडियावर शेअर करण्याचा सपाटा लावला आहे. काही दिवसांआधी सोशल मीडियावर एक अंडर वॉटर सीक्वेन्स लीक झाला होता. हा जवानचा अंडरवॉटर सीन असल्याचा दावा यावेळी करण्यात आला होता. आता जवानचा एक लुकही व्हायरल होतोय. बहुप्रतिक्षीत जवानचा टीझर कधीएकदा रिलीज होतो, असं चाहत्यांना झालं आहे. मीडिया रिपोर्टनुसार, येत्या ईदच्या मुहूर्तावर जवानचा धमाकेदार टीझर रिलीज केला जाऊ शकतो. याचदिवशी सलमान खानचा किसी का भाई किसी की जानल हा सिनेमा रिलीज होतोय. जवानमध्ये शाहरूख डबल रोलमध्ये दिसणार असल्याचंही म्हटलं जात आहे. यात शाहरूख पुन्हा एकदा जबरदस्त ॲक्शन अवतारात दिसणार आहे.
या चित्रपटात ॲक्शन सीनची जबाबदारी सुनील रॉड्रिग्स आणि एएनएल अरासू यांच्या खांद्यावर आहे. मीडिया रिपोर्टनुसार, जवानमध्ये लार्जर दॅन लाईफ आणि आकर्षक गोष्टी दाखविण्यात आल्या आहेत. या चित्रपटात शाहरुख खान मुख्य भूमिकेत आहे. तर नयनतारा त्याच्याविरुद्ध भूमिका साकारणार आहे. त्याचबरोबर विजय सेतुपती खलनायकाच्या भूमिकेत आहेत. याशिवाय प्रियामणी, सान्या मल्होत्रा, सुनील ग्रोव्हर आणि योगी बाबू यांच्याही चित्रपटात महत्त्वाच्या भूमिका आहेत.