Pathaan trailer on Burj Khalifa: बॉलिवूडचा किंगखान शाहरूख खान (Shah Rukh Khan) याच्या 'पठाण' या चित्रपटाची चाहते आतुरतेने प्रतीक्षा करत आहेत. चार वर्षांनंतर शाहरूख मोठ्या पडद्यावर कमबॅक करतोय. साहजिकच किंगखानचे चाहते क्रेझी झाले आहेत. भारतासोबतच दुबईतही 'पठाण'ची चर्चा आहे. काल रात्री दुबईच्या बुर्ज खलिफावर 'पठाण'चा ट्रेलर दाखवण्यात आला. यावेळी शाहरूखही उपस्थित होता. पडद्यावरचा त्याचा रोमान्स, ॲक्शन पाहून चाहत्यांनी एकच जल्लोष केला.
बुर्ज खलिफावर 'पठाण'चा ट्रेलर झळकला आणि फॅन्सनी एकच जल्लोष केला. यावेळी हजर असलेल्या शाहरूखने चाहत्यांना अभिवादन केलं. शिवाय त्याची सिग्नेचर पोजही केली. सोशल मीडियावर या दरम्यानचे फोटो आणि व्हिडिओ व्हायरल होत आहेत. याठिकाणी किंग खानला मिळालेला प्रतिसाद पाहता दुबईतही शाहरुख, दीपिका पादुकोण आणि जॉन अब्राहमच्या 'पठाण'ची किती हवा आहे, हे दिसतं. शाहरुखचे कौतुक करताना चाहते थकत नाहीयेत. याचे काही व्हिडिओ समोर आलेत ज्यामध्ये शाहरुख त्याच्या पठाणमधील गाण्यांवर थिरकताना दिसत आहे.
शाहरुख, दीपिका आणि जॉन यांच्या मुख्य भूमिका असणारा 'पठाण' हा सिनेमा येत्या २५ जानेवारीला हिंदी, तमिळ आणि तेलुगू या तीन भाषांमध्ये प्रदर्शित होणार आहे. शाहरुख या सिनेमातून जवळपास ४ वर्षांनी कमबॅक करतोय. याआधी तो २०१८ साली झिरो सिनेमात दिसला होता. 'पठाण' सिनेमा पहिलं पोस्टर रिलीज झाल्यापासूनच चर्चेत आहे. यानंतर 'पठाण'चं बेशरम रंग गाणं रिलीज झालं आणि हा सिनेमा वादात सापडला. या गाण्यात दीपिकानं घातलेल्या भगव्या रंगाच्या बिकिनीने वाद ओढवून घेतला.