Pathaan, Besharam Rang : ‘पठाण’ या चित्रपटाद्वारे शाहरूख खान (Shah Rukh Khan) तब्बल चार वर्षानंतर मोठ्या पडद्यावर वापसी करतोय. किंगखानचा हा सिनेमा अनेकार्थाने चर्चेत आहे. चित्रपटाचं ‘बेशरम रंग’ हे गाणं रिलीज झालं आणि या गाण्यातील दीपिकाने परिधान केलेल्या भगव्या बिकिनीमुळे वातावरण तापलं. या गाण्यामुळे ‘पठाण’ वादात सापडला. अर्थात या वादामुळे ‘बेशरम रंग’ हे गाणं मात्र हिट झालं. या गाण्यावरचे अनेक रिल्स, डान्स व्हिडीओ व्हायरल झाले. ‘बेशरम रंग’वरच्या एका व्हिडीओची तर सध्या तुफान चर्चा रंगलीये.
होय, अगदी सेम टू सेम शाहरूख सारख्या दिसणाऱ्या इब्राहिम कादरीचा (Ibrahim Qadri) हा व्हिडीओ आहे. इब्राहिम अगदी हुबेहुब शाहरूख सारखा दिसतो. आता त्याने ‘बेशरम रंग’ या गाण्यातील शाहरूखचा लुक कॉपी करत एक व्हिडीओ शेअर केला आहे. हा व्हिडीओ सध्या तुफान व्हायरल होतोय. त्याची स्टाईल, एक्सप्रेशन अगदी सेम टू सेम शाहरूखसारखे आहेत.
इब्राहिम कादरी असून तो देखील शाहरुखचा मोठा चाहता आहे. तो शाहरुखच्या अनेक गाण्यांवर रिल्स शेअर करत असतो. इब्राहिमचे सोशल मीडियावर लाखो फॉलोवर्स आहेत. तो स्वत:ला एंटरटेनर म्हणतो. ‘सेनोरिटा’ या म्युझिक व्हिडीओत तो झळकला आहे.
25 जानेवारी 2023 मध्ये शाहरुखचा बहुचर्चित ‘पठाण’ चित्रपट प्रदर्शित होणार आहे. या चित्रपटाचे दिग्दर्शन सिद्धार्थ आनंद करत असून शाहरुख व्यक्तिरिक्त दीपिका पादुकोण आणि जॉन अब्राहम देखील मुख्य भूमिकेत दिसतील. जॉन अब्राहम चित्रपटात खलनायकाच्या भूमिकेत दिसेल. हा चित्रपट हिंदीव्यतिरिक्त, तमिळ आणि तेलुगू भाषेत देखील प्रदर्शित होणार आहे.