‘रईस’ शाहरुख खानने घेतली जबरा फॅन शाम बहादूरची भेट

बॉलिवूडचा किंग शाहरुख खानचा बहुचर्चित ‘रईस’ हा चित्रपट प्रदर्शनापूर्वीच चांगलाच चर्चेत आहे. या चित्रपटाच्या गाण्यांनी व डॉयलॉगने चाहत्यांना चांगलीच भुरळ घातली आहे. रईसमधील काही एका ओळीचे डॉयलॉग सामान्य मानसाच्या दिनचर्येचा भागच ठरले आहेत.  रईसच्या एका डॉयलॉगची पाटी आपल्या दुकानावर लावणारा श्याम बहादूर हा चप्पल विक्रेता-चर्मकाराची भेट शाहरुख खानने घेतली असून, त्याचे स्वप्नच प्रत्यक्षात उतरले आहे. मुंबईच्या उपनगरात लहानसे चप्पल दुरुस्तीचे दुकान चालविणाºया श्याम बहादूर याने ‘रईस’ या चित्रपटातील ‘कोई धंधा छोटा नहीं होता और धंधे से बड़ा कोई धर्म नहीं होता...’ हा डॉयलॉग आपल्या दुकानावर लावला होता. यामुळे श्याम बहादूर चांगलाच चर्चेत आला होता. त्याने हा डॉयलॉग स्वतच्या व्यवसायाशी जोडला होता. विचारणाºयांना हा डॉयलॉग शाहरुख खानच्या आगामी चित्रपटातील असल्याचे तो अभिमानाने सांगत होता. मीडियाच्या माध्यमातून जेव्हा शाहरुख खानपर्यंत ही बातमी पोहोचल्यावर त्याने श्याम बहादूरला भेटण्याची इच्छा व्यक्त केली. श्यामला स्वप्नातही आपण कधी शाहरुखला भेटू असे वाटले नव्हते. मात्र, त्याचे स्वप्न एका डॉयलॉगमुळे प्रत्यात उतरले. Read More : शाहरूख खानने बदलले मुंबईच्या चर्मकाराचे आयुष्य!एका स्टुडिओत शाहरुख खान जेव्हा मीडियाशी बोलणार होता त्याच वेळी तेथे श्याम बहादूरला भेटण्यास बोलाविण्यात आले होते. यावेळी श्याम बहादूर याचे स्वप्न पूर्ण झाल्याचा विश्वास त्याला होत नसावा असे त्याच्या चेहºयाकडे पाहून वाटत होते. शाहरुख खान त्याच्याकडे आल्यावर त्याच्या चेहºयावरील आनंद आणखीच वाढला होता. शाहरुखने श्याम बहादूरची गळा भेट घेतली. श्यामला जे घडते आहे त्यावर विश्वासच होत नव्हता. श्याम बहादूरने आपल्या हाताने तयार केलेला एक बूट शाहरुखला भेट म्हणून दिला. यावेळी या जोड्याला सूट होणारी पठाणी घालून तो हा जोडा जरुर घालेल असे वचन दिले. Read More : ‘रईस‘मध्ये शाहरुख दिसणार तीन रूपात शाहरुख खानने श्यामबहादूर सोबत बराच वेळ चर्चा केली. त्याच्या कामापासून ते थेट त्याच्या घरापर्यंतची विचारपूस केली. शाहरुखने श्यामला विचारले, हा डॉयलॉग तुला का आवडला. यावर तो म्हणाला, कशा प्रकारे लहान व्यवसाय व मोठा व्यवसाय याच्यात फरक करतात याचे देखील उदाहरण त्याने दिले. आमच्या धंद्याला लोक वेगळ्या नजरेने पाहतात असेही त्याने सांगितले. त्याने शाहरुख खानचे आभार मानले. श्याम बहादूर म्हणाला, शाहरुख खानच्या एका डॉयलॉगने प्रत्येक व्यवसायाचे महत्त्व लोकांना पटवून दिले आहे. मी रईस प्रदर्शित झाल्यावर नक्कीच पाहिन. मात्र, एका लहानशा गोष्टीमुळे एका सामान्य माणसाचे स्वप्न पूर्ण होऊ शकते याचे उदाहरण शाहरुखने घालून दिले आहे. Also Read : ‘काबिल-रईस’ बॉक्स आॅफिस क्लॅशमुळे राकेश रोशनचा पारा चढला!​शाहरुख खानच्या ‘रईस’चा जबरदस्त डॉयलॉग प्रोमो