पंजाबची सुप्रसिद्ध अभिनेत्री शहनाज गिल (Shehnaaz Gill) तिच्या बॉलिवूड डेब्यूमुळे बऱ्याच दिवसांपासून चर्चेत आहे. आगामी काळात ही अभिनेत्री बॉलिवूडचा सुपरस्टार सलमान खान(Salman Khan)च्या आगामी 'कभी ईद कभी दिवाळी' (Kabhi Eid Kabhi Diwali) या चित्रपटात दिसणार आहे. रविवारी शहनाज गिल मुंबईतील मेहबूब स्टुडिओबाहेर अभिनेता संजय दत्त(Sanjay Dutt)सोबत दिसली. पापाराझीशी बोलताना शहनाज गिलने स्वतः सांगितले की ती संजू बाबासोबत अमेरिकेला जात आहे.
पापाराझींनी शेअर केलेल्या व्हिडिओमध्ये शहनाज गिल लाल रंगाच्या ड्रेसमध्ये दिसली होती. यादरम्यान शहनाज गिलने लाल रंगाच्या ड्रेसमध्ये फोटोग्राफरसमोर अनेक पोज दिल्या. यानंतर शहनाज गिल हसत म्हणाली, 'संजू बाबा के साथ मैं चली अमेरिका.'
काही दिवसांपूर्वी अर्पिता खान शर्माच्या ईद पार्टीत सलमानसोबत केलेल्या वर्तनामुळे शहनाज गिलला ट्रोलिंगचा सामना करावा लागला होता. शहनाजने सलमानला मिठी मारली आणि किस केले. इतकंच नाही तर सलमान खान स्वतः शहनाज गिलला तिच्या गाडीत सोडायलाही गेला होता.