​शाहरूख खान बनणारं ‘ZERO’! नव्या चित्रपटाचा टीजर रिलीज!!

नव्या वर्षाच्या मुहूर्तावर अखेर शाहरूख खानने आपल्या नव्या चित्रपटाची घोषणा केलीच. आनंद एल राय यांच्या चित्रपटात शाहरूख खान एका बुटक्या व्यक्तिची भूमिका साकारताना दिसणार आहे. शाहरूख प्रथमच अशी भूमिका साकारणार असल्याने त्याच्या या चित्रपटाबद्दल लोकांमध्ये कमालीची उत्सुकता होती. पण शेवटपर्यंत या चित्रपटाचे नाव गुलदस्त्यात ठेवण्यात आले.अखेर काल नववर्षाच्या मुहूर्तावर या चित्रपटाचे नाव जाहीर करण्यात आले. सोबतच चित्रपटाचा टीजरही प्रदर्शित करण्यात आला. शाहरूखच्या या नव्या चित्रपटाचे  ‘झिरो’ असे नामकरण करण्यात आलेय. यंदा नाताळच्या मुहूर्तावर म्हणजेच २१ डिसेंबरला ‘झिरो’ प्रदर्शित होणार आहे. टिष्ट्वटरवर शाहरूखने ‘झिरो’चा टीजर जारी केला. ‘टिकटें लिए बैठे हैं लोग मेरी जिंदगी की, तमाशा भी पूरा होना चाहिए,’ असे हा टीजर जारी करताना शाहरूखने लिहिले आहे.  टीजरच्या सुरूवातीला पागल, आशिक, शायर, मक्कार, मेंटल, दिलदार, खोटा, कमीना, जोकर असे अनेक शब्द पाहायला मिळतात आणि मागोमाग शाहरूखचा ‘झिरो’ अवतार आपल्याला दिसतो. या टीजरमध्ये शाहरूख ‘तुमको हम पे प्यार आया’ या जुन्या गाण्यावर थिरकताना दिसतो.शाहरूखसाठी गतवर्र्ष कमालीचे अनलकी ठरले. गतवर्षातील त्याचा अखेरचा चित्रपट ‘जब हॅरी मेट सेजल’ही बॉक्सआॅफिसवर कुठलीच कमाल दाखवू शकला नाही. पण कदाचित २०१८ मध्ये शाहरूख ही सगळी कसर भरून काढणार, असे ‘झिरो’चा टीजर पाहिल्यानंतर तरी वाटतेयं. सोशल मीडियावर शाहरूखचा हा ‘झिरो’अवतार प्रचंड हिट ठरलायं.ALSO READ : ​‘ही’ चर्चा खरी असेल तर शाहरूख खान देणार आणखी एक फ्लॉप!!आनंद एल राय यांच्या या चित्रपटात शाहरूख खानसोबत अनुष्का शर्मा आणि कॅटरिना कैफ या दोघी मुख्य भूमिकेत आहेत. अर्थात टीजरमध्ये या दोघीही नाहीत. या चित्रपटातील  शाहरूखची  व्यक्तीरेखा ‘गेम आॅफ थ्रोन्स’ या इंग्रजी सीरिजमधील टीरिनयल लेनिस्टर या पात्रावर आधारित असल्याचे सांगितले जात आहे. म्हणजेच, ही बुटकी व्यक्ती दुसºया लोकांमध्ये प्रेम वाढवून त्यांच्यातील दुवा ठरेल. ‘गेम आॅफ थ्रोन्स’ प्रेक्षकांच्या आवडीची शृंखला आहे. आता शाहरूखची व्यक्तिरेखा प्रेक्षकांना किती आवडते ते बघूच.