Shahrukh Khan : बॉलिवूडचा किंग खान शाहरुखची एक झलक पाहण्यासाठी चाहत्यांची रांग लागते. ३० वर्ष झाले मात्र शाहरुखची लोकप्रियता त्याची क्रेझ काही कमी झालेली नाही. तो जिथे जातो तिथे गर्दी होणारच हे ठरलेले आहे. भारतातच नाही जगभरात त्याचे चाहते आहेत. सध्या शाहरुख आगामी 'पठाण' सिनेमामुळे चर्चेत आहे. पठाण सिनेमाची कॉन्ट्रोव्हर्सी पाहता शाहरुख तसा सार्वजनिक ठिकाणी फारसा दिसत नाही. मात्र नुकतेच त्याने दिल्लीतील Auto Expo 2023 मध्ये हजेरी लावली. यावेळी शाहरुखचा पूर्वीसारखाच चार्म बघायला मिळाला.
शाहरुखची आयकॉनिक पोज आणि 'तुझे देखा तो ये गाणं'
काल ग्रेटर नोएडामध्ये झालेल्या ऑटो एक्सपो २०२३ या इव्हेंटमध्ये शाहरुखही सहभागी झाला होता. त्याच्या येण्याने इव्हेंटमध्ये वेगळाच उत्साह संचारला. शाहरुखने नेहमीप्रमाणे त्याच्या मिश्कील अंदाजात उपस्थितांसोबत संवाद साधला. दरम्यान त्याने दिलवाले दुल्हनिया ले जाएंगे मधील लोकप्रिय तुझे देखा तो ये जाना सनम या गाण्याच्या दोन ओळी गायल्या.त्याने गाणं गाताच उपस्थित लोकही आनंदाने ओरडले.
दरम्यान शाहरुख बाहेर उभ्या असलेल्या चाहत्यांसमोरही गेला. त्याची झलक पाहण्यासाठी चाहत्यांनी तुफान गर्दी केली होती. शाहरुखने सर्वांना फ्लाईंग किस देत चाहत्यांना खूश केले.
सोबतच ४५ लाखांच्या कारजवळ उभं राहून त्याने आपले दोन्ही हात पसरवून त्याची सिग्नेचर पोज ही दिली. याही वयात शाहरुखचा चार्म अगदी घायाळ करणारा आहे. ऑटो एक्सपो २०२३ मध्ये शाहरुखने हुंडाई मोटर्सची पहिली ऑल इलेक्ट्रिक आईओएनआईक्यू ५ एसयूव्ही लॉंच केली.
Besharam Rang ला कॉन्ट्रोव्हर्सीचा फायदाच, लोकप्रिय गाण्यांमध्ये बनले नंबर १ !
'पठाण'चे ट्रेलर नुकतेच प्रदर्शित झाले असून त्याला तुफान प्रतिसाद मिळतोय. ट्रेलरला ३६ मिलियन व्ह्यूज मिळाले आहेत. २५ जानेवारी रोजी पठाण चित्रपटगृहात रिलीज होणार आहे. यामध्ये दीपिका पदुकोण, जॉन अब्राहम यांचीही भूमिका आहे.