​शाहरूख खानने नाही दिले वाढदिवसाचे रिटर्न गिफ्ट; चाहत्यांची अशी झाली निराशा!!

शाहरूख खानने चाहत्यांचे आशीर्वाद, प्रेम, शुभेच्छा सगळे काही स्वीकारले. पण हे करताना चाहत्यांना रिटर्न गिफ्ट द्यायला मात्र तो विसरला.

शाहरूख खानने काल गुरुवारी (२ नोव्हेंबर) आपला वाढदिवस साजरा केला. अलिबागच्या फार्महाऊसवर शाहरूखच्या वाढदिवसाचे ग्रॅण्ड सेलिब्रेशन झाले. याशिवाय शाहरूखने चाहत्यांसोबत केकही कापला, मीडियासोबतही तो बोलला. इतकेच नाही तर‘मन्नत’ बाहेर उभ्या असलेल्या शेकडो चाहत्यांना दर्शन देत त्याने त्यांचेआशीर्वाद, प्रेम, शुभेच्छा सगळे काही स्वीकारले. पण हे करताना चाहत्यांना रिटर्न गिफ्ट द्यायला मात्र शाहरूख विसरला. ALSO READ: ​OMG ! शाहरूख खानच्या वाढदिवसाचे सेलिब्रेशन चाहत्यांना पडले महाग; चोरट्यांनी साधली आयती संधी!!होय, चाहत्यांना आपल्या वाढदिवसाचे रिटर्न गिफ्ट द्यायला शाहरूख विसरला. कदाचित विसरण्यापेक्षा त्याने ते जाणीवपूर्वक द्यायचे टाळले. शाहरूख सध्या आनंद एल राय दिग्दर्शित चित्रपटात बिझी आहे. या चित्रपटाचे शूटींग अखेरच्या टप्प्यात आहे. पण अद्याप या चित्रपटाचे टायटल ठरलेले नाही. आपल्या वाढदिवशी शाहरूख या चित्रपटाचे टायटल जाहिर करेल, असे चाहत्यांना वाटले होते. असे झाले असते तर ते चाहत्यांसाठी शाहरूखच्या वाढदिवसाचे रिटर्न गिफ्ट ठरले असते. पण शाहरूख हे रिटर्न गिफ्ट देता देता राहिला.मीडियाशी बोलताना शाहरूखला या चित्रपटाच्या टायटलबद्दल विचारण्यात आले. पण शाहरूखने ते सांगण्यास नकार दिला. माझ्या वाढदिवसाला चित्रपटाचे टायटल पब्लिक करण्याचा कुठलाही प्लान नव्हता. पण चित्रपटाचे टायटल ठरलेले आहे. आम्ही चित्रपटाचे ट्रेलर आणि काही पोस्टरही तयार केले आहेत. पण सध्या ते फक्त आमच्यासाठी आहे. बाहेर दाखवण्यासाठी नाही, असे शाहरूख यावेळी म्हणाला. या चित्रपटाचे नाव ‘रंगबाज’ आहे का? असे विचारले असता शाहरूखने ना ‘हो’ म्हटले, ना ‘नाही’ म्हटले. ‘धूम4’ मध्ये शाहरूखची वर्णी लागल्याची चर्चा मध्यंतरी होती. पण शाहरूखने या चर्चेलाही पूर्णविराम दिला. मी ‘धूम4’मध्ये नाहीय. माझ्याकडे डेट्स नाहीयेत, असे त्याने सांगितले. बर्थ डेला मिळालेली सर्वात चांगली भेट कुठली? असेही शाहरूखला विचारले गेले. यावर सगळ्याच भेटी सुंदर आहेत. करण जोहरने मला एक हॅण्डबॅग गिफ्ट केली आहे. पण मी अजून ती खोलून पाहिलेली नाही. पण हो, अबरामने आज मला एक सुंदर गिफ्ट दिले आहे.  सकाळी सकाळी त्याने मला ‘हॅपी बर्थ डे बर्थ डे बॉय’ अशा शब्दांत विश केले, असे शाहरूखने सांगितले.