शाहरूख खान (Shah Rukh Khan) म्हणजे किंग ऑफ बॉलिवूड त्याच्या आगामी 'पठाण' (Pathan) सिनेमामुळे सोशल मीडियावर चांगलाच चर्चेत आहे. या सिनेमातील त्याच्या लूकची जोरदार चर्चा होत आहे. शाहरूख खान बऱ्याच वर्षांनी रूपेरी पडद्यावर दिसणार असून त्याचे फॅन्सही हा सिनेमा बघण्यासाठी उत्सुक आहेत. काही दिवसांपूर्वीच त्याचा लांब केसातील लूक व्हायरल (Shah Rukh Khan Look) झाला होता. आता त्याचा एक आणखी वेगळा लूक व्हायरल झाला आहे. यात शाहरूख खान शर्टलेस दिसत आहे. फॅन्स त्याच्या या जबरदस्त लूकचं भरभरून कौतक करत आहेत. आता हा लूक 'पठाण' सिनेमातील आहे की, अजून कशातील असा मात्र फॅन्सना पडला आहे.
शाहरूख खान आणि दीपिका पादुकोण 'पठाण'च्या शूटींगसाठी स्पेनला रवाना झाले आहेत. तेथील काही फोटोही दीपिकाने सोशल मीडियावर शेअर केले होते. पण अशातच शाहरूख खानचा शर्टलेस फोटो समोर आला आहे. ज्यात त्याचे सिक्स अ‍ॅब्सही दिसत आहे. सोबतच लांब केस त्याच्या लूकची शान वाढवत आहेत. त्याच्या फॅन्सना त्याचा हा लूक फारच आवडला आहे. ते फोटोवर वेगवेगळ्या कमेंट्स करत त्याचं कौतुक करत आहेत.
दरम्यान शाहरूख खान, दीपिका पादुकोण आणि जॉन अब्राहमची मुख्य भूमिका असलेला 'पठाण' पुढील वर्षी २३ जानेवारी २०२३ ला सिनेमागृहांमध्ये रिलीज होणार आहे. हा एक अ‍ॅक्शन सिनेमा असून यातील काही सीन्स स्पेनमध्ये शूट केले गेले आहेत. हा सिनेमा हिंदीसहीत तेलुगु आणि तमिळ भाषांमध्येही रिलीज होणार आहे.
शाहरूख खान एका वेगळ्या कारणानेही सध्या चर्चेत आहे. त्याने नुकतीच त्याच्या ओटीटी प्लॅटफॉर्म SRK+ ची घोषणा केली आहे. अर्थातच यावर वेगवेगळे सिनेमे, वेब सीरीज बघायला मिळतील. पण नेमकं काय हे अजून स्पष्ट झालेलं नाही. इतकं मात्र नक्की की, स्वत: ओटीटी प्लॅटफॉर्म असलेला शाहरूख खान हा पहिला बॉलिवूड स्टार बनला आहे. आता त्यावर काय बघायला मिळणार याकडे सर्वांचं लक्ष लागलं आहे.