​शाहरूख खानच्या बॉलिवूड डेब्यूला २५ वर्षे पूर्ण; सोशल मीडियावर आनंदी आनंद!!

अखेर तो दिवस आलाच. आज बॉलिवूडचा किंगखान शाहरूख खान याच्या बॉलिवूड डेब्यूला २५ वर्षे पूर्ण झालीत. होय, शाहरूखने आपल्या फिल्मी करिअरची २५ वर्षे पूर्ण केलीत. आपल्या चाहत्यांचे आभार मानत, शाहरूखने सोशल मीडियावर हा आनंद साजरा केला आहे. शाहरूख आपल्या चाहत्यासोबत सोशल मीडियावर सिल्व्हर ज्युबली साजरी करतोय.२५ वर्षांपूर्वी आजच्याच दिवशी म्हणजे, २५ जूनला शाहरूख खानचा पहिला चित्रपट ‘दिवाना’ रिलीज झाला होता. यात शाहरूखच्या अपोझिट दिव्या भारती दिसली होती. दिव्या भारतीशिवाय ऋषी कपूर, आलोक नाथ, अमरिश पुरी यांच्या या महत्त्वपूर्ण भूमिका होत्या. या चित्रपटात शाहरूखने राजा सहायची व्यक्तिरेखा साकारली होती. शाहरूखचा पहिलाच चित्रपट हिट झाला होता.बॉलिवूडच्या या २५ वर्षांचा प्रवास शेअर करताना शाहरूखने सोशल मीडियावर चाहत्यांचे आभार मानले आहेत. चाहत्यांनीही शाहरूखला #25ीं१२डारफङ या हॅशटॅगसह शुभेच्छा दिल्या आहेत. शाहरूखच्या आनंदात सामील होत, करण जोहरनेही शाहरूखला शुभेच्छा दिल्या आहेत. शेवटी करण जोहरने शाहरूखच्याच चित्रपटातून दिग्दर्शक म्हणून सिनेसृष्टीत पाऊल ठेवले होते. डायरेक्टर म्हणून करणचा पहिला चित्रपट होता, ‘कुछ कुछ होता है.’ या चित्रपटात शाहरूखशिवाय काजोल, रानी मुखर्जी लिड रोलमध्ये होते. आता करणने तर शाहरूखला शुभेच्छा दिल्यात. आता आपणही रोमान्सचा बादशाह असलेल्या शाहरूखला शुभेच्छा द्यायलाच हव्यात. खालील कमेंट बॉक्समध्ये तुम्ही शाहरूखला शुभेच्छा देऊ शकता. लवकरच शाहरूखचा ‘जब हॅरी मेट सेजल’ हा चित्रपट येतो आहे. या चित्रपटात शाहरूख व अनुष्का शर्माची जोडी पुन्हा एकदा मोठ्या पडद्यावर दिसणार आहे.