बिग बीच्या नातवासोबत डिनर डेटला गेली शाहरूखची लाडकी सुहाना खान, फोटो होतोय व्हायरल!

बॉलिवूडचा किंग शाहरूख खानची मुलगी सुहाना खान बॉलिवूडमध्ये सर्वात लोकप्रिय स्टारकिड्सपैकी एक आहे. नुकताच तिचा एक फोटो सोशल मीडियावर व्हायरल होत आहे. ज्यामध्ये सुहाना महानायक अमिताभ बच्चनचा नातू अगस्त्य नंदासोबत बघावयास मिळत आहे. सुहाना आपल्या स्टारकिड्स फ्रेंडसोबत डिनर डेटला गेली होती. तेथूनच तिचा एक फोटो समोर आला आहे. फोटोमध्ये सुहाना व्हाइट क्रॉप टॉप अ‍ॅण्ड रिप्ड जीन्समध्ये बघावयास मिळत आहे. तर अगस्त्यसोबत त्याचे इतर दोन मित्रही फोटोमध्ये दिसत आहे. अगस्त्य महानायक अमिताभ बच्चन यांची मुलगी श्वेता-निखिलचा मुलगा आहे. तर नव्या नवेलीचा लहान भाऊ आहे. सुहाना आणि अगस्त्य खूप चांगले मित्र आहेत. दोघेही एकमेकांना लहानपणापासून ओळखतात. केवळ मुलेच नाही तर त्यांचे पॅरेंट्सही एकमेकांचे खूप चांगले मित्र आहेत. कारण नेहमीच गौरी आणि शाहरूखला श्वेता नंदा, अमिताभ बच्चन, जया बच्चन, अभिषेक आणि ऐश्वर्यासोबत बºयाचशा इव्हेंटमध्ये बघण्यास आले आहे. तसेच शाहरूखचा मोठा मुलगा आर्यन आणि नव्या नवेली यांचीही चांगली मैत्री आहे. दोघे बºयाचदा कॉलेज फंक्शन आणि पार्ट्यांमध्ये बघावयास मिळतात. दरम्यान, अगस्त्यला बॉलिवूडमध्ये करिअर करायचे असून, लवकरच तो बॉलिवूड डेब्यू करणार आहे. नुकतेच त्याने एका शॉर्ट फिल्मची निर्मिती केली आहे. चित्रपटाच्या स्क्रिप्टपासून ते बॅकग्राउंड म्युझिकपर्यंत सर्व काही अगस्त्यनेच बघितले आहे. अगस्त्यच्या या कामगिरीवर आजोबा अमिताभ बच्चन आणि आजी जया बच्चन खूपच खूश आहेत. दोघेही अगस्त्यचे कौतुक करताना दिसत आहे. लवकरच अगस्त्य त्याची या शॉर्ट फिल्म यू-ट्यूबवर अपलोड करणार आहे.