रणबीर कपूर(Ranbir Kapoor)च्या शमशेरा (Shamshera Movie) या चित्रपटाची चाहत्यांना बऱ्याच दिवसांपासून प्रतीक्षा आहे. या चित्रपटाबद्दल चाहत्यांमध्ये प्रचंड उत्साह असून प्रत्येकजण त्याची झलक पाहण्यासाठी आतुरतेने वाट पाहत आहे. आता सोशल मीडियावर शमशेरा चित्रपटातील रणबीर कपूरचा लूक व्हायरल झाला आहे. ट्विटरवर रणबीरच्या कॅरेक्टरचे पोस्टर कोणीतरी लीक केले आहे.
#Shamshera ट्विटरवर ट्रेंड होताना दिसत आहे. या हॅशटॅगसह युजर्स सतत रणबीर कपूरचे पोस्टर शेअर करत आहेत. या पोस्टरमध्ये रणबीर कपूर कधीही न पाहिलेल्या अवतारात दिसत आहे. शमशेरामध्ये रणबीर एका डाकूच्या भूमिकेत दिसणार आहे. अशा परिस्थितीत त्याच्या पोस्टरमधील त्याचा लूक एकदम हटके आहे.
रणबीर कपूरचा हा लूक चाहत्यांना खूप आवडला आहे. काही युजर्सचे म्हणणे आहे की या लूकने त्यांचे मन जिंकले आहे. रणबीरच्या डोळ्यांची तीव्रता आणि त्याचा डाकू लुक खूपच सुखावणारा आहे. तसेच त्याला चित्रपटात पाहण्यासाठी चाहतेही उत्सुक झाले आहेत. एका युजरने ट्विट केले की, 'रणबीर त्याच्या चॉकलेट बॉय इमेजमधून कधी बाहेर येईल का, असा प्रश्न मला नेहमी पडतो, पण त्याचा या डाकूचा लूक अगदी खरा आहे. त्याचा अभिनय उत्तम असेल. दुसर्‍या युजरने ट्विट केले आहे की, 'हे माइंड ब्लोइंग आहे.'