पंजाबची ‘कतरिना कैफ’ शहनाज गिल (Shehnaaz Gill ) हिचा बॉलिवूड डेब्यू होणार आहे म्हटल्यावर चाहते खूश्श होते. पण ताजी बातमी शहनाजच्या चाहत्यांच्या आनंदावर विरजण पाडणारी आहे. होय, चर्चा खरी मानाल तर भाईजान अर्थात सलमान खानने (Salman Khan) आपल्या चित्रपटातून शहनाजला बाहेरचा रस्ता दाखवला आहे.टेलिचक्करच्या ऑफिशिअल इन्स्टा हँडलवर याबातचे वृत्त शेअर करण्यात आलं आहे. सलमानच्या ‘कभी ईद कभी दिवाली’ या चित्रपटातून शहनाजचा डेब्यू होणार होता. यामुळे शहनाजचे चाहते आनंदात होते. पण आता कदाचित शहनाजच्या बॉलिवूड डेब्यूचं स्वप्न भंगलं आहे. सलमानने तिला चित्रपटातून काढून टाकल्याची चर्चा आहे. सलमानने असं का केलं, याबद्दल माहिती मिळालेली नाही. पण याचदरम्यान शहनाजने जे काही केलं ते पाहून सगळ्यांच्याच भुवया उंचावल्या आहेत.
होय, सलमानने चित्रपटातून काढून टाकताच शहनाजने त्याला सोशल मीडियावर अनफॉलो केलं आहे. कदाचित सलमानवरचा राग तिने यामाध्यमातून व्यक्त केला आहे. अर्थात सलमान वा शहनाज दोघांपैकी कुणीही अधिकृतपणे याबद्दल काहीही बोललेलं नाही. पण दोघांत काहीतरी बिनसल्याची चर्चा जोरात आहे.
शहनाजच्या हातून भाईजानचा एक सिनेमा गेला असला तरी चाहत्यांनी फार निराश होण्याची गरज नाही. कारण एक सिनेमा गमावला असला तरी तिच्या हातात आणखी एक सिनेमा आहे. सोशल मीडिया रिपोर्टनुसार, प्रोड्यूसर रिया कपूरच्या पुढच्या सिनेमात शहनाजची वर्णी लागल्याचे कळतेय. तिने हा सिनेमा साईन केला असून लवकरच या चित्रपटाच्या शूटींगसाठी विदेशात रवाना होणार आहे. या चित्रपटात भूमी पेडणेकर आणि अनिल कपूर मुख्य भूमिकेत आहेत.