आज संपूर्ण देश दिवाळीचा सण मोठ्या उत्साहात साजरा करत आहे. अभिनेत्री शिल्पा शेट्टीनेदेखील दिवाळीचा सण साजरा करण्यासाठी संपूर्ण तयारी केली आहे. तिने या तयारीचा व्हिडीओ चाहत्यांसोबत शेअर केला आहे. या व्हिडीओत ती मुलगा विआनसोबत रांगोळी काढताना दिसते आहे. शेवटी दोघे दिवाळीच्या शुभेच्छा देताना दिसत आहेत.
शिल्पा शेट्टीने व्हिडीओ शेअर करत लिहिले की, वर्षातील सर्वात रंगीन आणि सुंदर वेळ आली आहे. दिवाळीच्या पहिल्या दिवशी आपल्या परंपरेसोबत मी आणि विआन रांगोळी काढत आहेत. घरात देवी लक्ष्मीला बोलवण्यासाठी ही योग्य पद्धत आहे. शिल्पा शेट्टीने पुढे चाहत्यांना दिवाळी आणि धनत्रयोदिशीच्या शुभेच्छा दिल्या.
त्यासोबतच शिल्पा शेट्टी 'निकम्मा' सिनेमातही दिसणार आहे.