कलाकार त्यांच्या खासगी आयुष्यामुळे चर्चेत येत असतात. इतकेच नाही तर त्यांच्यासोबत त्यांची मुलेदेखील चर्चेत येत असतात. ते कलाकार नसले तरीदेखील त्यांच्याबद्दल जाणून घेण्यासाठी त्यांचे चाहते उत्सुक असतात. त्यामुळे सोशल मीडियावर त्यांचा फॅन फॉलोव्हिंग खूप असतो. अभिनेता अजय देवगण आणि काजोलची मुलगी न्यासादेखील लोकप्रिय स्टारकिड पैकी एक आहे. बऱ्याचदा तिचे फोटो सोशल मीडियावर व्हायरल होताना दिसतात. मात्र न्यासाला अभिनेत्री होण्याआधी ट्रोलिंगचा सामना करावा लागतो आहे.
न्यासाला नेहमीच तिच्या वर्णभेदावरून आणि ड्रेसिंग सेन्समुळे ट्रोलिंगचा सामना करावा लागला आहे. न्यासा सध्या मुंबईत नसून ती सिंगापूरमध्ये शिक्षण घेते आहे. ती सिंगापूरच्या दक्षिण पूर्व आशियाच्या युनायटेड वर्ल्ड कॉलेजमध्ये शिकते आहे. एका मुलाखतीत काजोलने मुलीला एवढ्या दूर पाठविण्या मागचे कारण सांगितले आहे.