Shocking : स्टेजवर डान्स करीत असताना ‘या’ अभिनेत्रीला लोकांनी घेरले, कपडेही फाडण्याचा केला प्रयत्न!!

ओडिसाची प्रसिद्ध अभिनेत्री उसासी मिश्रा हिच्यासोबत नुकताच एक धक्कादायक प्रकार घडल्याचे समोर आले. त्याचे झाले असे की, ती एका कार्यक्रमात परफॉर्मन्स करण्यासाठी पोहोचली होती. मात्र याठिकाणी तिला फिजिकल हॅरेसमेंटचा सामना करावा लागला. तिने या प्रकरणी पोलिसांत छेडछाडीचा गुन्हा दाखल केला आहे. त्याचबरोबर उसासीने सोशल मीडियावर एक व्हिडीओदेखील शेअर केला, ज्यामध्ये ती तिच्यासोबत घडलेली घटना सांगताना दिसत आहे.ईस्टर्न ब्लू ओपेरा यांच्या वतीने आयोजित करण्यात आलेल्या या कार्यक्रमात उसासी डान्स करीत होती. मात्र अचानकच तिच्यासोबत छेडछाड करण्याचा प्रयत्न केला गेला. उसासीने सांगितलेल्या माहितीनुसार, ‘गेल्या शनिवारी ती अंगुल जिल्ह्यातील डेरांग या गावी एक शो करण्यासाठी पोहोचली होती. ज्याठिकाणी तीन लोकांनी तिला घेराव घातला होता. विशेष म्हणजे, त्यांनी माझ्या अंगावरील कपडेही फाडण्याचा प्रयत्न केला.  

#Watch: Actor Usasi Misra recounts the night of horror at Derang #Angul on Sunday night; narrates the physical assault and verbal abuse she faced; blames police and jatra management for inefficiency to control the situation, at a presser in #Bhubaneswar today #Odishapic.twitter.com/ZHybgkxGj3— OTV (@otvnews) April 25, 2018

उसासीने तक्रारीत इंद्रमणी साहू आणि त्याच्या दोन मुलांवर छेडछाडीचा आरोप केला आहे. व्हिडीओमध्ये तिने सांगितले की, ‘हा विचार करूनदेखील माझा थरकाप होतो की, कशा पद्धतीने या तीन लोकांनी मला घेरले होते. माझे कपडे फाडण्याचा प्रयत्न केला. ही घटना रात्री सुमारे ११.४५ वाजेदरम्यान घडली.’ यावेळी उसासीने तिन्ही संशयित आरोपींविरोधात कठोरात कठोर कारवाई करण्याची मागणी केली आहे. त्याचबरोबर तिने म्हटले की, ‘मी स्वत:ला याच कारणामुळे सुरक्षित करू शकली की, मी तायक्वांदो शिकली आहे.’ दरम्यान, पोलिसांनी तिन्ही आरोपींना अटक केली असून, या प्रकरणाचा तपास करीत आहेत.