सध्या बॉलिवूडमध्ये बायोपिकचा ट्रेंड सुरु आहे. या लिस्टमध्ये सायना नेहवालच्या बायोपिकची देखील गेल्या अनेक दिवसांपासून चर्चा आहे. काही महिन्यांपूर्वी निर्मात्यांनी या सिनेमातील श्रद्धा कपूरचा फर्स्ट लूकसुद्धा आऊट केला होता. लवकरच या सिनेमाची शूटिंग सुरु होणार अशी माहिती होती. मात्र आता या सिनेमाशू संबंधीत एक वेगळीच माहिती समोर येतेय.
आम्हाला मिळालेल्या माहितीनुसार श्रद्धाला सायनाचे बॅडमिंटन स्किल जमत नव्हते. त्यामुळे अनेक शूटिंगच्या तारखा पुढे ढकलण्यात आल्या होत्या. सायना ही श्रद्धाच्या परफॉर्मन्सवर फारशी खुश नसल्याची माहिती आहे. त्यामुळे अखेर श्रद्धाने हा सिनेमा सोडला असेल अशी शंका व्यक्त करण्यात येते आहे. श्रद्धानंतर परिणीतीदेखील बॅडमिंटनचे ट्रेनिंग घेणार आहे. त्यामुळे तिले हे सगळं कितपत जमते हे आपल्याला लवकरच कळेल.