श्रद्धा म्हणतेय,‘आदित्यसोबत पुन्हा एकदा...अमेझिंग!’

‘आशिकी २’ जोडी आदित्य रॉय कपूर आणि श्रद्धा कपूर हे पुन्हा एकदा त्यांचा शाद अली दिग्दर्शित आगामी चित्रपट ‘ओके जानू’ साठी एकत्र आले आहेत. चित्रपटाची शूटिंग सध्या मुंबईत सुरू आहे. हा चित्रपट साऊथच्या ‘ओके  कन्मनी’ चा हिंदी रिमेक आहे.चित्रपटाचे फर्स्ट शेड्यूल संपले आहे. श्रद्धाचा बाघी चित्रपट २९ एप्रिलला रिलीज होईल त्यानंतर ‘ओके जानू’ चे दुसरे शेड्यूल सुरू होईल. श्रद्धा म्हणते,‘ खरंतर आम्ही पुन्हा चित्रपटासाठी एकत्र आलोय याचा आनंद वाटतोय.बाघीच्या रिलीजनंतर आम्ही ओके जानूचे दुसरे शेड्यूल सुरू करणार आहोत. त्याच्यासोबत काम करण्याचा आनंद फारच वेगळा असतो. आम्ही आता यात जशी भूमिका करणार आहोत ती याअगोदरच्या चित्रपटांपैकी अगदीच वेगळी आहे.पण लोकांना चित्रपट प्रचंड आवडेल, यात काही शंका नाही.’