सिद्धार्थ मल्होत्रा, जॅकलिन फर्नाडिसच्या ‘ए जेंटलमॅन’चे नवे पोस्टर रिलीज!

यावर्षीच्या महत्त्वपूर्ण चित्रपटांपैकी एक असलेल्या सिद्धार्थ मल्होत्रा आणि जॅकलिन फर्नाडिस स्टारर ‘ए जेंटलमॅन’ या चित्रपटाचे काही वेळापूर्वीच नवे पोस्टर रिलीज करण्यात आले आहे. पोस्टरमध्ये सिद्धार्थ आणि जॅकलीन एकमेकांचा हाथ पकडून पळताना दिसत आहे. याशिवाय पोस्टरमध्ये आणखी एक गोष्ट दिसत आहे, ती म्हणजे काही हाथांमध्ये रायफल्स दिसत आहेत. चित्रपटातील हा एक अ‍ॅक्शन सीन असावा, असा अंदाज व्यक्त केला जात आहे. ‘गो गोवा आॅन, शोर इन सिटी’ या चित्रपटांमुळे प्रसिद्ध झालेले राज आणि डीके या चित्रपटाचे दिग्दर्शन करीत आहेत. ‘ए जेंटलमॅन’ हा एक अ‍ॅक्शन कॉमेडीपट आहे. यामध्ये सिद्धार्थ आणि जॅकलीन मुख्य भूमिकेत आहेत. दरम्यान, या चित्रपटाचे पहिले पोस्टर यापूर्वीच रिलीज करण्यात आले आहे. ज्यामध्ये सिद्धार्थ एका हातात कुकरचे झाकण आणि दुसºया हातात बंदूक घेऊन दिसत होता. त्यावेळी ट्रेड एनालिस्ट तरण आदर्शने ट्विटरच्या माध्यमातून याबाबतची माहिती दिली होती. चित्रपटाविषयी सांगायचे झाल्यास, चित्रपटाची कथा गौरवच्या (सिद्धार्थ) अवती-भोवती फिरणारी आहे. ज्याला सेटल व्हायचे असते. त्याकरिता तो ९ ते ५ वाजेची बोरिंग नोकरी करतो. यातून तो एक मोठे घर आणि मिनी व्हॅन खरेदी करतो. पुढे तो काव्याला (जॅकलीन) लग्नासाठी राजी करण्यासाठी धडपड करतो. मात्र काव्याला लगेचच सेटल व्हायचे नसते. तिला असे वाटते की, हा सुंदर, सुशील आणि जेंटलमॅन मुलगा थोडा रिस्की व्हायला हवा. मात्र गौरवला त्याची रुटीन लाइफ आवडत असते. जेव्हा गौरव एका असायमेंटकरिता मुंबईला जातो, तेव्हा त्याची संपूर्ण लाइफच बदलून जाते. चुकीच्या ओळखीमुळे काही गुंडप्रवृत्तीचे लोक त्याच्या आयुष्यात येतात. हे संकट त्याला ‘मायामी’ला घेऊन जाते. त्याचे ड्रीम संपण्याच्या वळणावर असते. त्यातूनच थरार निर्माण होतो. यामध्ये काही हलकी-फुलकी कॉमेडीही घडत असते. दरम्यान, चित्रपटाचे सुरुवातीला ‘रीलोड’ असे नाव ठेवण्यात आले होते. परंतु आता ते बदलून ‘ए जेंटलमॅन’ असे ठेवण्यात आले आहे.