सहा लाखांचा मोबाइल अन् वीस लाखांची पिस्तूल वापरतो ‘गदर-२’चा हा अभिनेता!

लवकरच ‘गदर-२’मध्ये झळकणार असलेला हा अभिनेता त्याच्या लॅविश लाइफस्टाइलमुळे सध्या चर्चेत आहे. त्याचे शौक प्रचंड महागडे आहेत.

बॉलिवूड स्टारप्रमाणे भोजपुरी चित्रपटातीलही स्टार आपल्या लाइफस्टाइलसाठी ओळखले जातात. कारण बरेचसे भोजपुरी स्टार असे आहेत, ज्यांना लॅव्हिश लाइफ जगण्यासाठी ओळखले जाते. त्यातीलच एक स्टार म्हणजे राजू सिंग माही हा होय. राजूला ‘भोजपुरी सुलतान’ या नावानेही ओळखले जाते. राजूने ‘गदर’ आणि ‘तू ही तो मेरी जान है राधा-२’ यासारख्या हिट चित्रपटांमध्ये काम केले आहे. सिल्वरस्क्रीनवर तडफदार भूमिका साकारणारा राजू वास्तविक जीवनातही त्याच्या लाइफस्टाइलमुळे चांगलाच चर्चेत असतो. राजू सुमारे सहा लाख रूपयांचा मोबाइल वापरतो. असे सांगितले जाते की, वर्तु कंपनीच्या या मोबाइलला सोन्याचे पॅनल बसविलेले असते. राजूचा शौक मोबाइल पुरताच मर्यादित नाही तर त्याच्याकडे वीस लाख रूपयांपर्यंतची पिस्तूल आहे. याचा त्याने रितसर परवानाही काढला आहे. राजूला कार खरेदी करण्याचीही कमालीची आवड आहे. एकाच नंबरच्या कितीतरी कार त्याच्याकडे आहेत.  उत्तर प्रदेशातील आझमगढ येथे राहणारा राजू सिंग अभिनयाबरोबरच उद्योग क्षेत्रातही कार्यरत आहे. त्याला उद्योगपती म्हणून भोजपुरी इंडस्ट्रीत ओळखले जाते. राजूला खरी ओळख ‘गदर’ या चित्रपटामुळे मिळाली. चित्रपटात तो पवन सिंगसोबत आॅनस्क्रिन फाइट खेळताना दिसला. कधी खलनायक, तर कधी सनकी आशिक अशा स्वरूपाच्या भूमिका राजूने साकारल्या आहेत. लवकरच तो ‘गरद-२’मध्ये झळकणार आहे.