सलमान खानच्या नादात सोनाक्षी सिन्हाचा ‘या’ चित्रपटातून केला पत्ता कट!

अभिनेत्री सोनाक्षी सिन्हा सध्या तिच्या आगामी ‘दबंग-३’ या चित्रपटामुळे चर्चेत आहे. मात्र या चित्रपटामुळे तिच्या हातून खूप मोठी संधी हुकली असल्याचे समजते.

सुपरस्टार सलमान खानसोबत ‘दबंग’ (२०१०) या सुपरहिट चित्रपटातून बॉलिवूडमध्ये पाऊल ठेवणारी अभिनेत्री सोनाक्षी सिन्हा हिच्याबद्दल एक बातमी समोर येत आहे. गेल्या काही काळापासून सोनाक्षी सिन्हाबद्दल एक बातमी सातत्याने समोर येत होती, ती म्हणजे अक्षयकुमार, बॉबी देओल आणि रितेश देशमुख स्टारर ‘हाउसफुल-४’मध्ये ती कॉमेडी करताना बघावयास मिळणार आहे. मात्र आता येत असलेल्या माहितीनुसार, सोनाक्षीबद्दलच्या या सर्व बातम्या चुकीच्या आहेत. तिने ‘हाउसफुल-४’ साइन केलेला नाही. तिच्याशी संबंधित सूत्रांनी सांगितले की, ‘हाउसफुल-४’ची शूटिंग त्याचवेळी केली जाईल जेव्हा ‘दबंग-३’ची शूटिंग होणार आहे. त्यामुळे सोनाक्षीकडे ‘हाउसफुल-४’साठी डेट्स उपलब्ध नसल्याने तिने या प्रोजेक्टमधून माघार घेतली आहे. एकूण काय तर सोनाक्षीने ‘दबंग-३’च्या नादात ‘हाउसफुल-४’ला सोडले आहे. वास्तविक सोनाक्षीचे फिल्मी करिअर गेल्या काही काळापासून फारसे सुस्थितीत नाही. तिचे एकापाठोपाठ एक चित्रपट फ्लॉप होत असल्याने तिला एका सुपरहिटची अत्यंत आवश्यकता आहे. काही दिवसांपूर्वीच प्रदर्शित झालेला तिचा ‘वेलकम टू न्यूयॉर्क’ हा चित्रपटदेखील बॉक्स आॅफिसवर अत्यंत वाईट पद्धतीने फ्लॉप ठरला. त्याचबरोबर बºयाच काळापासून तिच्या हातात एकही यशस्वी चित्रपट नसल्याने तिचे करिअर अडचणीत सापडताना दिसत आहे.  दरम्यान, सलमान खानच्या ‘दबंग-३’कडून सोनाक्षीला जबरदस्त अपेक्षा आहेत. कारण जेव्हा-जेव्हा तिने सीनिअर अभिनेत्याबरोबर नशीब आजमाविले तेव्हा-तेव्हा तिला यश मिळाले. सलमान, अक्षयकुमार, अजय देवगणसोबतचे तिचे जवळपास सर्वच चित्रपट सुपरहिट ठरले. सध्या सोनाक्षी ‘हॅप्पी फिर भाग जाएगी’ या चित्रपटाच्या शूटिंगमध्ये व्यस्त आहे. तिचा ‘हॅप्पी भाग जाएगी’ हा चित्रपट सुपरहिट ठरला होता. त्यामुळे त्याचा हा चित्रपट कितपत यशस्वी ठरेल हे बघणे औत्सुक्याचे ठरणार आहे.