आनंद अहुजासोबत लग्नाच्या बेडीत अडकल्यानंतर सोनम कपूरचे 'हे' आहे प्लॉनिंग!

लवकरच सोनम कपूर मिसेस अहुजा होणार आहे. सोनमच्या घराच्या बाहेरचा परिसर लायटिंगने सजवण्यात आला आहे. 8 मे रोजी सोनम आनंदसोबत सातफेरे घेणार आहे. तर 14 मे ला सोनम आनंदसोबत कान फिल्म फेस्टिव्हलच्या रेड कार्पेटवर चालणार आहे. रिपोर्टनुसार सोनम जुलैमध्ये आपला आगामी चित्रपट 'एक लडकी को देखा तो ऐसा लगा'च्या शूटिंगला सुरुवात करणार आहे. मुंबई मिररच्या रिपोर्टनुसार शैली चोप्रा दिग्दर्शित 'एक लडकी को देखा तो ऐसा लगा'ची शूटिंग सोनम जुलै महिन्यापासून सुरु करणार आहे. या चित्रपटातून शैली चोप्रा दिग्दर्शनात पदार्पण करते आहे. यात सोनमसह अनिल कपूर, जुही चावला आणि राजकुमार रावसुद्धा असणार आहेत. या चित्रपटाची शूटिंग पंजाबमध्ये होणार आहे. सध्या सोनम तिचा आगामी चित्रपट 'वीरे दी वेडिंग'च्या प्रमोशनमध्ये बिझी आहे. नुकताच सोनमच्या 'वीरे दी वेडिंग'चा ट्रेलर रिलीज झाला आहे. चित्रपटाचा ट्रेलर प्रेक्षकांच्या पसंतीला उतरला आहे. जूनमध्ये सोनमचा 'वीरे दी वेडिंग' चित्रपट प्रेक्षकांच्या भेटीला येणार आहे. या चित्रपटात सोनमशिवाय करिना कपूर, स्वरा भास्कर आणि शिखा तलसानिया यांच्या मुख्य भूमिका आहेत.‘वीरे दी वेडिंग’ चित्रपटाची कथा चार मुलींभवती फिरणारी आहे. करिनाच्या लग्नाला तिच्या तीन मैत्रिणी येतात आणि मग एकापाठोपाठ एक अशा धम्माल गोष्टी घडतात. महिला आणि त्यांच्या भावना या दाखवल्या जाणार आहेत. सोनम कपूरची बहीण रेहा कपूर या चित्रपटाची सहनिर्माती आहे.ALSO READ :  लग्नाच्या काही दिवस अगोदरच सोनम कपूरने केले फोटोशूट; निळ्या रंगाच्या लहंग्यात खुलले रूप!सोनम होणार पती आनंद आहुजा एक बिझनेसमॅन आहे. आनंद अपॅरल Bhane ब्रॅण्डचा मालक आहे. देशातील सर्वात मोठी एक्सपोर्ट कंपनी म्हणून या ब्रॅण्डकडे बघितले जाते. या कंपनीचे वार्षिक टर्नओव्हर ४५० मिलियन डॉलर आहे.