रणबीर कपूर (Ranbir Kapoor) आणि रश्मिका मंदाना (Rashmika Mandanna) स्टारर 'अ‍ॅनिमल' (Animal Movie) बॉक्स ऑफिसवर चांगली कमाई करत आहे. या चित्रपटाने १४ दिवसांत ७८४ कोटींचा आकडा पार केला आहे. 'अर्जुन रेड्डी'च्या दिग्दर्शकाने पुन्हा एकदा बॉक्स ऑफिसवर षटकार मारला आहे. तसेच या चित्रपटातील रणबीरचा लूक आणि बॉबी देओलच्या गाण्याचीही जास्त चर्चा आहे. आता या चित्रपटाच्या सिक्वेलचीही चर्चा आहे. या चित्रपटात रणबीरसोबत दिसणार्‍या अभिनेत्रीचे नावही समोर येऊ लागले असल्याची बातमी आहे.
सध्या सोशल मीडियावर एक बातमी व्हायरल होत आहे की, एक प्रसिद्ध साऊथ अभिनेत्री त्याच्या 'अ‍ॅनिमल पार्क' या चित्रपटात रणबीरसोबत दिसणार आहे. लेटेस्ट रिपोर्ट्सनुसार, अभिनेत्री मालविका मोहनन 'अ‍ॅनिमल' म्हणजेच 'अ‍ॅनिमल पार्क'च्या सीक्वलमध्ये दिसणार आहे. काही रिपोर्ट्समध्ये असाही दावा केला जात आहे की ती तृप्ती डिमरीसारख्या शत्रू टीमचा भाग असू शकते. मात्र अद्याप याबाबत कोणतीही अधिकृत घोषणा करण्यात आलेली नाही.
'अ‍ॅनिमल'बद्दल 'अ‍ॅनिमल' चित्रपटाबद्दल सांगायचे तर रणबीर कपूर, अनिल कपूर, बॉबी देओल, प्रेम चोप्रा, रश्मिका मंदान्ना हे कलाकार मुख्य भूमिकेत होते. हा चित्रपट दिग्दर्शक संदीप रेड्डी यांनी बनवला आहे ज्यांनी 'कबीर सिंग' बनवला आहे. सध्या बॉक्स ऑफिसवर चांगली कमाई करत आहे.