श्रीलंका साखळी बॉम्बस्फोटाविषयी बॉलिवूडच्या ‘या’ तारे-तारकांनी व्यक्त केल्या भावना!

श्रीलंकेच्या राजधानीत आज सकाळी आठ साखळी बॉम्बस्फोट झाले. मुख्यत्वाने चर्च आणि फाईव्ह स्टार हॉटेल्समध्ये हे बॉम्ब स्फोट झाले असून या स्फोटांमधील मृत्यूचा आकडा १५६ वर पोहोचला आहे. मृत्यूचा आकडा आणखी वाढण्याची शक्यता आहे. तसेच ३०० पेक्षा अधिक जण जखमी झाल्याचे कळतेय. मृत्यूमध्ये ३५ विदेशी नागरिकांचा समावेश असल्याचे समोर आले आहे. या घटनेनंतर संपूर्ण जगभरामध्ये हळहळ व्यक्त होत आहे. यामध्ये बॉलिवूड कलाकारांनीही सोशल मीडियाच्या माध्यमातून त्यांच्या भावना व्यक्त केल्या आहेत.

जॅकलिन फर्नांडिस
 श्रीलंकेच्या राजधानीत झालेल्या साखळी बॉम्बस्फोटामुळे जॅकलिन फर्नांडिस हिने दु:ख व्यक्त केले आहे. याप्रकारची हिंसा ताबडतोब थांबावी, असे ट्विट  तिने केले आहे.

Extremely sad at the news of bombings in Sri Lanka. It’s unfortunate that one is not able to see that violence is like a chain reaction. This has to stop !

— Jacqueline Fernandez (@Asli_Jacqueline) April 21, 2019

 

विवेक ओबेरॉय
 अभिनेता विवेक ओबेरॉयनेही या घटनेचा निषेध केला आहे. ‘मन सुन्न करणारा हा हल्ला आहे. असा भ्याड हल्ला करणाऱ्यांचा मी जाहीरपणे निषेध करतो. हल्ल्यातील पीडित व्यक्तींच्या दु:खात मी सहभागी आहे.’

Deeply saddened and shocked by the tragic and terrible attacks in #SriLanka. An act of cowardice on a day of prayer, shame on these terrorists. My sincere prayers with the victims and their families. We are all with you #SriLanka. Please stay safe 🙏

— Vivek Anand Oberoi (@vivekoberoi) April 21, 2019

 

हुमा कुरेशी
अभिनेत्री हुमा कुरेशीनेही या घटनेविषयी तिचं मत व्यक्त केलं आहे. ‘ईस्टर डेच्या दिवशी जे नागरिक चर्चमध्ये जात होते. अशा निरपराध व्यक्तींवर हा भ्याड हल्ला करण्यात आला. हा हल्ला प्रचंड वेदनादायी आहे. या जगात नक्की काय सुरु आहे?’ असं म्हणत हुमाने तिचा संताप व्यक्त केला आहे.

What a sad day !! To attack families and children going to church on #EasterSunday ??!!! This is terrible ... what is happening to our world ??? #SriLanka

— Huma Qureshi (@humasqureshi) April 21, 2019

 

अनुष्का शर्मा
श्रीलंकेत झालेला साखळी बॉम्बस्फोट मन विषण्ण करणारा आहे. आम्ही सारेच पीडितांच्या दु:खात सहभागी आहोत, असं ट्विट अभिनेत्री अनुष्का शर्माने केलं आहे.

Our hearts go out to everyone affected by this tragic act of violence in Sri Lanka. We are praying with you in this painful moment of sorrow, grief and shock.

— Anushka Sharma (@AnushkaSharma) April 21, 2019

 

विवेक दहिया
‘रविवारी सकाळी श्रीलंकेच्या राजधानीमध्ये झालेला साखळी बॉम्बस्फोट हल्ला हा हृदय पिळवटून टाकणारा आहे. ही घटना खरंच प्रचंड धक्कादायक आहे. हल्ल्यात जखमी झालेल्या आणि मृतांच्या कुटुंबीयांच्या दु:खात मी सहभागी आहे,’ असं ट्विट छोट्या पडद्यावरील अभिनेता विवेक दहियाने केलं आहे.

Heart breaking news from #SriLanka when people were busy celebrating Easter. My heartfelt condolence to all who lost their lives and pray for speedy recovery of injured.. This is heinous, abhorrent and shocking! #PrayForSriLanka

— Vivek Dahiya (@vivekdahiya08) April 21, 2019

 

दरम्यान, जॅकलीन फर्नांडिस, इलियाना डिक्रूज, इशा गुप्ता, सोनू सुद, स्वरा भास्कर  या कलाकारांनीही ट्विटरच्या माध्यमातून या हल्ल्याचा निषेध केला आहे. त्यासोबतच पीडितांच्या दु:खात सहभागी असल्याचं म्हटलं आहे.