बॉलिवूड अभिनेता, मॉडेल मिलिंद सोमण कधी फिटनेसमुळे तर कधी सोशल मीडियावरील फोटोंमुळे सतत चर्चेत येत असतो. आता तो पुन्हा एकदा चर्चेत आला आहे. त्याचे कारण म्हणजे सोशल मीडियावर त्याने शेअर केलेला जुना फोटो. त्याचा हा फोटो तरूणपणीचा असून तो सोशल मीडियावर खूप व्हायरल होतो आहे. या फोटोसोबतच त्याची पत्नी अंकिता कुंवरने केलेल्या कमेंटने सर्वांचे लक्ष वेधून घेतले आहे.
अभिनेता मिलिंद सोमणने नुकताच सोशल मीडिया इंस्टाग्रामवर शेअर केलेला फोटो १९९१ सालचा आहे. या फोटोत तो काश्मीरी आउटफिटमध्ये दिसतो आहे. हा फोटो शेअर करत मिलिंद सोमणने लिहिले की, '१९९१ सालचा फार जुना फोटो पण अत्यंत छान असे काश्मीरी कपडे, एक जोड स्पान्डेक्स शॉर्ट्स आणि दिल्लीचे कडकडीत ऊन....'