अशी आहे सनीची 'लैला'

बॉलिवूडच्या मोस्ट अवेटेड चित्रपट शाहरुख खानच्या रईसचा ट्रेलर रिलीज झालाय. या चित्रपट सनी लिओनीचे आयटम साँग असणार आहे. या आयटम साँगचा फर्स्ट लूक रिलीज करण्यात आला.  या चित्रपटात सनी 'लैला ओ लैला' या गाण्यावर थिरकताना दिसणार आहे. चित्रपटाच्या ट्रेलरमध्ये सुद्धा सनीची एक छोटीशी झलक पाहायला मिळाली होती पण त्यात तिचा चेहरा दिसला नव्हता.   सनीचा हा लूक एक्सक्लुझिव तिने तिच्या ट्विटरवर प्रेक्षकांसोबत शेअर केला. या गाण्याबाबत सनीने लिहिलेय, चित्रपटाच्या कथेला हे गाणे पुढे नेते. असे ट्विट सनीने केले आहे. शाहरुख खानसोबत चित्रपटात काम करणे हे सनीचे स्वप्न असल्याचे ती सांगते आणि रईसमुळे हे स्वप्न सत्यात उतरले. शारुखबरोबर काम करतानाचा अनुभव सुंदर असल्याचे सनीचे म्हणणे आहे.    लैला ओ  लैला या गाण्याचा फर्स्ट लूक रिलीज होताच या गाण्यावर  परफॉर्मन्ससाठी सनीला तब्बल 4 कोटी रुपयांची ऑफर मिळाल्याचे समजतेय. ‘रईस’ हा चित्रपटात १९८० च्या दशकातील गुजरातच्या पाश्वभूमीवर आधारित असून यात एका दारू तस्काराचा व्यापार एक क ठोर पोलीस अधिकारी ध्वस्त करतो. या चित्रपटात शाहरुख एकदम हटके लूकमध्ये दिसणार आहे.  या चित्रपटाची निर्मिती एक्सल एंटरटेनमेंट व रेड चिलीस एंटरटेनमेंट यांनी केली आहे. या चित्रपटात शाहरुख खान सोबतच नवाजुद्दीन सिद्दिकीची महत्त्वाची भूमिका आहे. या चित्रपटातून पाकिस्तानी अभिनेत्री माहिरा खान बॉलिवूडमध्ये पदार्पण करणार आहे. 25 जानेवारीला हा चित्रपट प्रदर्शित होणार आहे.  या चित्रपटासोबतच हृतिक रोशनचा काबिल हा चित्रपटही प्रदर्शित होणार आहे.