Gadar 2: तारा सिंग इज बॅक..., रिलीजआधीच लीक झाला ‘गदर 2’चा फाईट सीन
By ऑनलाइन लोकमत | Published: February 3, 2023 06:10 PM2023-02-03T18:10:35+5:302023-02-03T18:11:29+5:30
Sunny Deol Ameesha Patel Movie Gadar 2: ‘गदर 2’च्या सेटवरचा हा व्हिडीओ पाहून चाहते क्रेझी झाले आहेत.
Gadar 2: तारा सिंग इज बॅक..., रिलीजआधीच लीक झाला ‘गदर 2’चा फाईट सीन
Next ‘गदर- एक प्रेम कथा’ (Gadar ek prem katha) हा चित्रपट बॉलिवूडच्या (Bollywood) सुपरहिट चित्रपटांपैकी (Superhit Movie) एक आहे. 20 वर्षांपूर्वी प्रेक्षकांच्या भेटीला आलेल्या या चित्रपटानं बॉक्स ऑफिसवर धुमाकूळ घातला होता. चित्रपटातील आयकॉनिक 'हँड पंम्प' सीन, जबरदस्त डायलॉग्स आजही चाहत्यांच्या लक्षात आहेत. अभिनेत्री अमिषा पटेलने (Ameesha Patel) साकारलेली सकीनाही प्रेक्षकांच्या स्मरणात आहे. आता या चित्रपटाचा दुसरा भाग प्रेक्षकांच्या भेटीस येणार आहे. सनी देओलनं सोशल मीडियावर गदर-2 (Gadar 2) या चित्रपटाचं पोस्टर शेअर करुन या चित्रपटाच्या रिलीज डेटची घोषणा केली होती. यानंतर चित्रपटाचा फर्स्ट लूकही रिलीज झाला होता. आता या सिनेमाचा ॲक्शन सीन सोशल मीडियावर लीक झाला आहे.
Gadar 2 Shooting Wraped #short#viralshorts#gadar2pic.twitter.com/ym4xu41YsG
— golu meena (@golumee48710705) January 28, 2023
या व्हिडीओत तारा सिंग खांबाला बांधलेल्या हिरोईनला वाचवताना दिसतोय. सनीने यात पगडी, पठानी सूट घातलेला आहे. सनी व त्याची को ॲक्टर सिमरत कौर यांना एका सीमेंटच्या खांबाला बांधलेलं आहे. आजूबाजूला बंदूक ताणून पोलिस उभे आहेत. अशात सनीचा संताप अनावर होतो आणि तो खांब उखडून फेकतो. हा लीक व्हिडीओ पाहून चाहते क्रेझी झाले आहेत.
Hindustan Zindabaad Hai….Zindabaad Tha.. .aur Zindabaad Rahega!
— Sunny Deol (@iamsunnydeol) January 26, 2023
This Independence Day, we bring to you the biggest sequel in Indian cinema after two decades.#Gadar2 releasing on 11th August 2023🔥#HappyRepublicDay@ZeeStudios_@ameesha_patel@iutkarsharma@Anilsharma_dirpic.twitter.com/Tz9dbysDRe
2001 मध्ये ‘गदर- एक प्रेम कथा’ हा चित्रपट रिलीज झाला होता. या चित्रपटाने रेकाॅर्ड ब्रेक कामगिरी केली होती. या चित्रपटाचे शो पहाटे चार वाजेपर्यंत सुरू असायचे. या चित्रपटात सनी देओलसोबत अमीषा पटेल देखील मुख्य भूमिकेत होती. गदर 2 मध्येही सनीसोबत अमीषा पटेल असणार आहे.
‘गदर- एक प्रेम कथा’मध्ये सनी देओल याने हँडपंप उखडला होता. आता तो बैलगाडीचे चाक हातामध्ये घेऊन आपल्या दुश्मनांचा समाचार घेताना दिसणार आहे. 11 ऑगस्ट 2023 रोजी गदर-2 रिलीज होणार आहे.