गदर २(Gadar 2)मधून पुन्हा एकदा तारा सिंग प्रेक्षकांच्या भेटीला आला आहे. नुकतेच अभिनेत्याच्या करिअरमधला सर्वात सुपरहिट सिनेमा म्हणून नोंद करण्यात आली आहे. या चित्रपटात सनी देओल (Sunny Deol)सोबत आमिषा पटेल (Amisha Patel) मुख्य भूमिकेत पाहायला मिळाली. प्रेक्षकांकडून सिनेमाला मिळालेले प्रतिसाद पाहून सनी पाजी भारावून गेला आहे. अलिकडेच चाहत्यांचं प्रेम पाहून सनी देओलच्या डोळ्यात अश्रू तरळले आहेत.
सनी देओल अलिकडेच एका चॅनलच्या न्यूज शोमध्ये सहभागी झाला होता. शोमध्ये तारा सिंगने एंट्री घेताच प्रेक्षकांनी त्याचे जोरदार स्वागत केलं. अभिनेत्याच्या सन्मानार्थ उपस्थित प्रेक्षक जागेवरुन उभे राहिले. आपल्याबाबत लोकांमध्ये असलेली ही क्रेझ पाहून सनी देओल भावूक झाला आणि त्याच्या डोळ्यांत अश्रू आले. जेव्हा सनीला विचारण्यात आले की त्याच्या डोळ्यात पाणी का आलं? हे ऐकून अभिनेता आणखीच भावूक झाला.
आपल्या डोळ्यातले पाणी पुसत सनी देओल म्हणाला, ज्यापद्धतीने लोकांचं प्रेम मिळत त्यावर माझ्या विश्वास बसत नाही. माझी इतकी योग्यता आहे की नाही हेदेखील मला माहिती नाही. बॉलिवूडमधील अनेक कलाकारांनी सनी देओलच्या कामाचं कौतुक केलं आहे. अलिकडेच सनी देओलने गदर २ची सक्सेस पार्टी ठेवली होती. यात शाहरुख खान, सलमान खान, आमिर खानसह अनेक मोठे सेलिब्रेटी सहभागी झाले होते.
अनिल शर्मा दिग्दर्शिक ११ ऑगस्टला रिलीज झालेल्या 'गदर २' मध्ये सनी देओलसह अमिषा पटेल, उत्कर्ष शर्मा आणि सिमरत कौर यांच्या मुख्य भूमिका आहेत. बॉक्स ऑफिसवर 500 कोटींहून अधिक कमाई केली.त्याचबरोबर या चित्रपटाने जगभरात 662 कोटींचा बिझनेस केला आहे.