धर्मेंद्र यांचा नातू सनी देओलचा धाकटा मुलगा राजवीर देओल अभिनय विश्वात पदार्पण करण्यास सज्ज झाला आहे. प्रसिद्ध चित्रपट निर्माते सूरज बडजात्या यांच्या आगामी 'दोनों' या चित्रपटातून राजवीर हिंदी चित्रपटसृष्टीत पाऊल ठेवणार आहे. 'दोनों'चा ट्रेलर देखील रिलीज झाला आहे. या सिनेमाच्या शूटिंग दरम्यान नातवाला सपोर्ट करण्यासाठी आजोबा धर्मेंद्र लेक सनी देओलसोबत सेटवर पोहोचले होते.
शूटिंगदरम्यान सेटवर सनी देओलला पाहून राजवीर म्हणाला, “पप्पा पहिल्या दिवशी कुटुंबासह सेटवर होते, खरं तर या चित्रपटाने माझा पहिला दिवस इतका खास बनवला. माझ्या पहिल्या शॉटसाठी त्यांनी टाळ्या वाजवल्या आणि मी हे आयुष्यभर लक्षात ठेवीन. बडे पापा (धर्मेंद्रजी) देखील सेटवर आले होते. ते अशा दिवशी आले जेव्हा मी खूप घाबरलो होतो. मी माझ्या सर्वात कठीण सीनचे शूटिंग करत होतो, जो इंटरव्हलच्या आधी येतो, कोणतीच पूर्व कल्पना न देता ते सेटवरआले हे पाहून माल आश्चर्य वाटले, त्याच्या उपस्थितीने माझा आत्मविश्वास आणखी वाढला."
सूरज बडजात्याच्या राजश्री बॅनरखाली बनलेल्या 'दोन्ही'ची रिलीज डेट जाहीर करण्यात आली आहे. हा रोमँटिक चित्रपट 5 ऑक्टोबर 2023 रोजी थिएटरमध्ये प्रदर्शित होणार आहे. या सिनेमात त्याच्यासोबत अभिनेत्री पूनम ढिल्लोन यांची लेक पालोमादेखील महत्त्वपूर्ण भूमिका साकारत आहे. त्यामुळे चाहते या सिनेमाची आतुरतेने वाट पाहत आहे. यामध्येच या सिनेमात काम करण्यापूर्वी 'तू सनीसारखा होऊ नकोस', असा सल्ला धर्मेंद्र यांनी राजवीरला दिला होता. याविषयी राजवीरने ट्रेलर लॉन्चच्या कार्यक्रमात खुलासा केला.