सनी देओल तिसऱ्यांदा बनणार तारा सिंग, 'गदर ३' संदर्भात नवीन अपडेट आली समोर

Gadar Movie 3 : 'गदर: एक प्रेम कथा' नंतर 'गदर २' चित्रपटालाही प्रेक्षकांचे भरभरून प्रेम मिळाले. त्यामुळे चित्रपट निर्माते अनिल शर्मा यांनी 'गदर ३' या तिसऱ्या भागावर काम सुरू केले आहे.

'गदर: एक प्रेम कथा' (Gadar:Ek Prem Katha ) नंतर 'गदर २' (Gadar 2) चित्रपटालाही प्रेक्षकांचे भरभरून प्रेम मिळाले. त्यामुळे चित्रपट निर्माते अनिल शर्मा यांनी 'गदर ३' (Gadar 3) या तिसऱ्या भागावर काम सुरू केले आहे. या चित्रपटाबाबत त्यांनी एक अपडेट दिले आहे. दिग्दर्शकाने सांगितले की, सुपरस्टार सनी देओल (Sunny Deol) त्याच्या तिसऱ्या भागाचा एक भाग असेल. IANS शी बोलताना अनिल शर्मा (Anil Sharma) म्हणाले, 'आम्ही 'गदर ३' वर काम सुरू केले आहे. चित्रपटाशी संबंधित सर्व गोष्टी पूर्ण झाल्यावर शेअर करू, अजून थोडा वेळ आहे. 'गदर २' बनवण्यासाठी २० वर्षे लागली.

अनिल शर्मा म्हणाले की, 'गदर: एक प्रेम कथा' आणि 'गदर २' पेक्षा हा चित्रपट भावनांच्या बाबतीत एक मोठा पॅकेज असावा. 'गदर २' हा २०२३ मधील पाचवा सर्वाधिक कमाई करणारा भारतीय चित्रपट आहे आणि आतापर्यंतचा आठवा सर्वाधिक कमाई करणारा हिंदी चित्रपट आहे. दिग्दर्शक पुढे म्हणाले की, 'गदर ३' चित्रपट स्क्रीप्ट पूर्ण झाल्यावर येईल. पहिल्या दोन भागांमध्ये सनीने तारा सिंगची आयकॉनिक भूमिका साकारली आहे. त्याच्यासोबत सकिनाची भूमिका साकारणारी अमिषा पटेल होती. उत्कर्ष शर्मा त्यांच्या मुलाच्या भूमिकेत होता.

'गदर'बद्दलजेव्हा अनिल शर्माला विचारण्यात आले की सनी देओल तिसऱ्या भागात असेल का? तर चित्रपट निर्माते म्हणाले, 'कथा पुढे चालू ठेवल्या पाहिजेत असे माझे मत आहे. मला कथा पुढे न्यायची आहे.' २००१ मध्ये रिलीज झालेला 'गदर: एक प्रेम कथा' ही १९४७ मध्ये भारताच्या फाळणीच्या वेळी घडलेली एक दुःखद प्रेमकथा होती, ज्यामध्ये तारा सिंग नावाचा ट्रक ड्रायव्हर एका पाकिस्तानी मुलीच्या प्रेमात पडतो. तर दुसऱ्या भागात १९७१ च्या भारत-पाकिस्तान युद्धादरम्यान सेट करण्यात आला होता. या चित्रपटात तारा सिंग आपला मुलगा जीते, ज्याला पाकिस्तानी अधिकाऱ्यांनी तुरुंगात टाकले होते, त्याला सोडवण्यासाठी पाकिस्तानला जाताना दाखवले.