​सनी देओलचा ‘आॅनस्क्रीन’ मुलगा करणार बॉलिवूड डेब्यू; पाहा पोस्टर!

सनी देओलचा ‘गदर’ हा सिनेमा आठवतो? निश्चितपणे, आठवत असणारच. कारण दिग्दर्शक अनिल शर्मा यांनी हा चित्रपट कुणी विसरावा, यासाठी बनवलाच नाही मुळी. ‘गदर’ आठवतं असेल तर या सिनेमात सनी देओलच्या मुलाची भूमिका साकारणारा उत्कर्ष शर्मा हा बालकलाकारही तुम्हाला आठवत असणारच. होय, दिग्दर्शक अनिल शर्मा यांचा मुलगा उत्कर्ष शर्मा. आता उत्कर्ष मोठा झालाय आणि अनिल शर्मा आपल्या या मुलाला लॉन्च करणार आहेत. ‘जीनियस’ या चित्रपटाद्वारे उत्कर्ष बॉलिवूड डेब्यू करतो आहे. या चित्रपटाचे पहिले पोस्टर  आज रिलीज झाले.या पोस्टरमध्ये उत्कर्ष  अगदी जेंटलमॅन स्टाईलमध्ये  दिसतो आहे. ‘दिल की लडाई दिमाग से...’ अशी टॅगलाईन या पोस्टरला देण्यात आली आहे. यावरून एक गोष्ट स्पष्ट होते, ती म्हणजे, या चित्रपटात उत्कर्ष ‘दिल आणि दिमाग’ दोन्हींसोबतचा खेळताना दिसणार आहे. चित्रपटाची रिलीज डेट अद्याप समोर आलेली नाही. पण या चित्रपटाचे शूटींग सध्या जोरात सुरु आहे.अनिल शर्माचा ‘गदर’ हा चित्रपट सुपरहिट ठरला होता. आता अनिल आपल्या मुलासोबत तसाच सुपरहिट देतात वा नाही, हे पाहणे औत्सुक्याचे ठरणार आहे.अलीकडे दिग्दर्शक अब्बास बर्मावाला यांनीही त्यांचा मुलगा मुस्तफा याला ‘मशीन’ या चित्रपटाद्वारे बॉलिवूडमध्ये लॉच केले होते. पण हा चित्रपट दणकून आपटला होता. आता उत्कर्षच्या नशिबात काय लिहिलयं, ते आपण येत्या काळात बघणार आहोतच.उत्कर्षप्रमाणे अनेक सेलिब्रिटी किड्स येत्या काळात बॉलिवूडमध्ये पदार्पण करणार आहेत. श्रीदेवीची मुलगी जान्हवी कपूर, सैफ अली खानची मुलगी सारा अली खान, शाहरूख खानचा मुलगा आर्यन खान, श्वेता तिवारीची मुलगी पलक असे किती तरी स्टारकिड्स बॉलिवूडच्या वाटेवर आहेत.