नशेत धुंद असलेल्या सुशांत सिंग राजपूतने केला विचित्रपणा !!

अभिनेता सुशांत सिंग राजपूत सध्या त्याच्या आगामी ‘केदारनाथ’ या चित्रपटामुळे चर्चेत आहे. चित्रपटात त्याच्या अपोझिट सैफ आणि अमृताची मुलगी सारा अली खान डेब्यू करणार असल्याने हा चित्रपट सध्या भलताच चर्चेत आला आहे. सध्या हे दोघेही स्क्रिप्ट सेशंससाठी एकत्र बघावयास मिळत आहेत. मात्र याचबरोबर सुशांत नेहमीच त्याच्या कुठल्या ना कुठल्या प्रतापामुळे चर्चेत असतो. काही दिवसांपूर्वीच बातमी आली होती की, त्याने त्याच्या चाहत्यांसोबत वाद घातला होता. आता पुन्हा एकदा त्याने असाच काहीसा प्रताप केला आहे. सूत्रानुसार सुशांतने एका पार्टीत प्रचंड नशा करून टेबलवर उभे राहून डान्स केला. पार्टीत सुशांतने ऐवढी नशा केली होती की, त्याला आपण काय करत आहोत याचे भानच उरले नव्हते. यावेळी अभिनेत्री ईशा गुप्ता आणि डीनो मोरिया हे दोघेदेखील उपस्थित होते. सुशांतच्या या विचित्र डान्समुळे ही पार्टी चांगलीच चर्चेत राहिली. खरं तर सुशांतचे नशीबच म्हणावे की, त्याचा हा विचित्र डान्स कोणी कॅमेºयात कैद केला नाही. अन्यथा आतापर्यंत त्याचा हा प्रताप सोशल मीडियावर वाºयासारखा व्हायरल झाला असता. सुशांत सध्या त्याच्या आगामी ‘केदारनाथ’ या चित्रपटाच्या शूटिंगमध्ये व्यस्त आहे. काही दिवसांपूर्वीच त्याचे आणि त्याची को-स्टार साराचे स्क्रिप्ट रिडिंगचे फोटोज् सोशल मीडियावर व्हायरल झाले होते. सध्या हे दोघेही त्यांची भूमिका बेस्ट करण्यासाठी धडपड करीत आहेत. या चित्रपटाचे मोशन पोस्टर या अगोदरच रिलीज करण्यात आले आहे. या चित्रपटाचे दिग्दर्शन अभिषेक कपूर करीत आहेत. त्यामुळे दोघांच्याही दृष्टीने हा चित्रपट महत्त्वपूर्ण समजला जात आहे. सारा तर डेब्यू सुपरहिट करण्यासाठी सध्या अथक परिश्रम घेत आहे. चित्रपटाची कथा लव्हस्टोरीवर आधारित आहे. काही दिवसांपूर्वीच बातमी आली होती की, सुशांत चित्रपटात डाकूची भूमिका साकारणार आहे, तर सारा त्याची प्रेमिका असणार आहे. चित्रपटाची शूटिंग लवकरच सुरू केली जाण्याची शक्यता आहे. चित्रपटाचे दिग्दर्शक अभिषेक कपूर यांनी एका मुलाखतीत म्हटले होते की, ‘आमचा चित्रपट एक पॅशन लव्हस्टोरी आहे. ही स्टोरी तीर्थयात्रेशी संबंधित आहे. चित्रपट जून २०१८ मध्ये रिलीज होणार आहे. दरम्यान, सुशांतच्या या उथळ स्वभावामुळे सध्या तो माध्यमांमध्ये चांगलाच चर्चेत राहत आहे. नशेत सुशांत स्वत:वरील भान विसरून जात असल्याचे बºयाचदा बघावयास मिळाले होते. काही दिवसांपूर्वी तो भररस्त्यातच त्याच्या ड्रायव्हरशी वाद घालत असताना बघावयास मिळाला होता. याबाबतचे त्याचे काही फोटोजही त्यावेळी सोशल मीडियावर व्हायरल झाले होते.