बॉलिवूड अभिनेत्री सुष्मिता सेन (Sushmita Sen) सतत चर्चेत येत असते. अलीकडेच तिची 'आर्या ३' (Aarya 3) ही वेबसिरीज रिलीज झाली आहे. ही सीरिज रिलीज झाल्यापासून सुष्मिता सर्वत्र चर्चेत आहे. प्रत्येकजण तिच्या अभिनयाचे कौतुक करत आहे. सुष्मिता सेन तिच्या प्रोफेशनल लाईफसोबतच तिच्या वैयक्तिक आयुष्यामुळे चर्चेत असते. सुष्मिता सेन ८ नोव्हेंबरला चित्रपट निर्माता रमेश तौरानी यांच्या दिवाळी पार्टीला गेली होती. या पार्टीत सुष्मितासोबत तिचा एक्स बॉयफ्रेंड रोहमन शॉलही उपस्थित होता. त्यांचे एकत्र फोटो सोशल मीडियावर व्हायरल होत आहेत.
सुष्मिता सेन आणि रोहमन शॉल यांचे फार पूर्वी ब्रेकअप झाले होते. पण आता हे दोघे ज्या प्रकारे एकत्र दिसत आहेत, त्यावरून दोघांचे पुन्हा पॅचअप झाल्याची शक्यता चाहत्यांनी लावली आहे. दिवाळीच्या पार्टीतही दोघे हातात हात घालून दिसले होते. दिवाळी पार्टीत सुष्मिताने रोहमन शॉलसोबत पापाराझीसोबत क्लिक केलेले फोटो पाहायला मिळाले. सुष्मिता आणि रोहमनचा व्हिडिओही व्हायरल होत आहे. ज्यामध्ये रोहमन तिचा पदर सांभाळताना दिसत आहे.
सुष्मिताच्या लूकबद्दल बोलायचे झाले तर तिने अतिशय सुंदर काळ्या रंगाची साडी नेसली होती. ज्यामध्ये ती खूपच सुंदर दिसत होती. रोहमनबद्दल सांगायचे तर त्याने पांढऱ्या कुर्ता-पायजमासोबत हिरवा ब्लेझर घातला होता. रोहमनही खूप देखणा दिसत होता. सुष्मिता आणि रोहमनला पुन्हा एकदा एकत्र पाहून चाहते खूश आहेत. चाहत्यांनी सोशल मीडियावर कमेंट्सचा वर्षाव केला आहे. एका चाहत्याने लिहिले की, कपल गोल्स. दुसऱ्याने लिहिले- हॅपी पॅचअप.
वर्कफ्रंट
वर्कफ्रंटबद्दल बोलायचे तर सुष्मिता सेन नुकतीच आर्याच्या सीझन ३ मध्ये दिसली. गेल्या दोन सीझनप्रमाणे या सीझनमध्येही सुष्मिताने आपल्या अभिनयाने सर्वांची मने जिंकली आहेत. याआधी ती 'ताली'मध्ये दिसली होती. यामध्ये तिने एका ट्रान्सजेंडरची भूमिका साकारली होती.