Swara Bhaskar Cryptic Post On Insta: प्रत्येक मुद्यावर परखडपणे बोलणारी आणि यामुळे सतत ट्रोल होणारी बॉलिवूड अभिनेत्री स्वरा भास्कर मध्यंतरी तिच्या रिलेशनशिपमुळे चर्चेत होती. होय, हिमांशू शर्मासोबत तिचं नाव जोडलं गेलं होतं. पण कालांतराने दोघांच्या ब्रेकअपची चर्चाही ऐकायला मिळाली होती. आत्तापर्यंत स्वरा यावर कधीही बोलली नाही. पण आता तिने एक सीक्रेट पोस्ट केली आहे. ही पोस्ट बघता स्वरा प्रेमात असल्याचं म्हटलं जात आहे.
स्वराने इन्स्टाग्रामवर एक पोस्ट शेअर केली आहे. या पोस्टमध्ये ती एका मिस्ट्री मॅनसोबत दिसतेय. यात ना स्वराचा चेहरा दिसतो, ना तिच्या आयुष्यातल्या मिस्ट्री मॅनचा. पण कॅप्शन बोलकं आहे. ‘हे प्रेम असू शकतं...,’असं तिने म्हटलं आहे. स्वराने ही पोस्ट शेअर करताच तिच्यावर शुभेच्छांचा वर्षाव होतोय.
याआधी स्वराच्या हिमांशू शर्मासोबतच्या अफेअरची चर्चा होती. ‘तनु वेड्स मनु’ या चित्रपटाच्या सेटवर स्वरा व हिमांशू एकमेकांच्या जवळ आले होते. यात स्वरा सहाय्यक भूमिकेत होती. हिमांशूने या चित्रपटाची स्क्रिप्ट लिहिली होती. यानंतर रांझणा आणि नीलबट्टे सन्नाटा या चित्रपटासाठी दोघांनीही एकत्र काम केले होते. मात्र 2019 मध्ये दोघांचं ब्रेकअप झालं. त्याआधी पाच वर्षे दोघंही एकमेकांसोबत रिलेशनशिपमध्ये होते.
सुरुवातीच्या काळात स्वरा आपल्याला साहाय्यक अभिनेत्रीच्या भूमिकेत दिसली होती. नंतर तिने एक अभिनेत्री म्हणून तिची एक ओळख निर्माण केली. स्वराने तनू वेड्स मनू, तनू वेड्स मनू २, प्रेम रतन धन पायो, नील बट्टे सन्नाटा यांसारख्या चित्रपटांमध्ये भूमिका साकारल्या आहेत.