बॉलिवूडमधील प्रसिद्ध अभिनेत्री स्वरा भास्कर (Swara Bhaskar) ही फहाद जिरार (Fahad Ahmed) अहमदसोबत विवाहबद्ध झाली. फहाद जिरार हा सामाजिक कार्यकर्ता असून समाजवादी पक्षाची युवक आघाडी असलेल्या समाजवादी युवजन सभा या संघटनेचा महाराष्ट्र अध्यक्ष आहे. स्वराने गुपचूप कोर्ट मॅरेज करत सर्वांना आश्चर्याचा धक्काच दिला. स्पेशल मॅरेज अॅक्टअंतर्गत तिने लग्नगाठ बांधली. तर लवकरच दोघेही दिल्लीत सर्वांच्या उपस्थितीत लग्नगाठ बांधणार आहेत. कोर्ट मॅरेजनंतर स्वरा आणि फहादचा एक व्हिडिओ सोशल मीडियावर व्हायरल होत आहे. यामध्ये स्वरा प्रेग्नंट दिसत असल्याच्या चर्चांना उधाण आलं आहे.
व्हिडिओ जर्नलिस्ट योगेन शाह यांच्या इन्स्टाग्रामववरुन व्हिडिओ शेअर करण्यात आला आहे. यात स्वरा आणि फहाद हातात हात धरुन बाहेर येताना दिसत आहेत. स्वराने लाल रंगाची साडी नेसली आहे ज्यात ती खूप सुंदर दिसत आहे. मात्र यावेळी तिने बेबी बंप लपवण्याचा प्रयत्न करताना दिसत आहे अशा कमेंट्स नेटकऱ्यांनी केल्या आहेत. लग्नाआधीच प्रेग्नंसीच्या चर्चांनी स्वरा आता ट्रोल होत आहे.
काही दिवसांपूर्वीच सिद्धार्थ मल्होत्रा आणि कियारा अडवाणी लग्नबंधनात अडकले. लग्नानंतर दोघेही जेव्हा माध्यमांसमोर एकत्र दिसले तेव्हा कियाराही प्रेग्नंट असल्याची चर्चा नेटकऱ्यांमध्ये सुरु झाली. कियारा बेबी बंप लपवताना दिसते. सिड कियाराचा व्हिडिओही चांगलाच व्हायरल झाला होता. याशिवाय आलिया भटही लग्नाआधीच प्रेग्नंट होती. प्रेग्नंट असल्याने लवकर लग्न उरकल्याची तिच्याबद्दल चर्चा झाली होती.