रणदीप हुड्डा स्टारर स्वातंत्र्यवीर सावरकर हा सिनेमा नुकताच रिलीज झाला आहे. २२ मार्च रोजी प्रेक्षकांच्या भेटीला आलेल्या या सिनेमाने पहिल्याच दिवसापासून प्रेक्षकांची गर्दी खेचण्यास सुरुवात केली आहे. बायोग्राफिकल फिल्म असलेल्या या सिनेमाममध्ये रणदीपने मुख्य भूमिका साकारली असून या सिनेमाने बॉक्स ऑफिसवर भरघोस कमाई करण्यास सुरुवात केली आहे.
सॅकनिल्कच्या रिपोर्टनुसार, या सिनेमाने पहिल्या दिवशी १. ०५ कोटींची कमाई केली होती. तर दुसऱ्या दिवशी या सिनेमाने २.२५ कोटींचा गल्ला जमवला. विशेष म्हणजे या सिनेमाच्या कमाईच्या आकडेवारीत दिवसेंदिवस वाढ होत असून तीन दिवसात या सिनेमाने बरीच कमाई केली आहे.
स्वातंत्र्यवीर सावरकर या सिनेमाने रिलीजच्या तिसऱ्या दिवशी ३.३० कोटींची कमाई केली आहे. त्यामुळे हा सिनेमा टप्प्याटप्प्याने बॉक्स ऑफिसवर गल्ला जमवतांना दिसत आहे.
दरम्यान, स्वातंत्र्यवीर सावरकर हा सिनेमा हिंदी आणि मराठी या दोन भाषांमध्ये रिलीज झाला आहे. या सिनेमात रणदीपसोबत अभिनेत्री अंकिता लोखंडे हिने मुख्य भूमिका साकारली आहे. या चित्रपटात ती सावरकरांची पत्नी यमुनाबाई सावरकर यांची भूमिका वठवली आहे.